Nationale Fussballstadion: Sportminister oppe fir Sich no alternativem Terrain
De Sportminister ass prinzipiell d’accord mat der Propose vun der Stater Buergermeeschtesch fir awer nach no enger Alternativ zur Renovatioun vum Stade Josy Barthel ze sichen.
Am 100,7-Interview nennt de Romain Schneider dofir dräi Critèren: eng Décisioun misst an de nächste Woche geholl ginn; d’Käschten dierfte fir de Staat net iwwert deem leie wat am 5-Joresplang fir d’Sportinfrastrukture festgehale gouf, d.h. tëscht 30 a 40 Milliounen Euro; an d’Stad Lëtzebuerg misst Proprietaire sinn vum Terrain. RTL Telé hat gëschter Owend bericht, dass den Terrain op deem en alternative Projet vum nationale Fussballstadion kéint entstoen, net an ëffentlecher Hand ass. D’DP-Buergermeeschtesch Lydie Polfer wollt sech op Nofro hin net zu dëser Fro äusseren.
De ganzen Interview mam LSAP-Minister Romain Schneider:
