Musée d’Art Moderne Grand-Duc Jean MUDAM: Josée Hansen net méi am Verwaltungsrot

D’Josée Hansen huet aus dem MUDAM-Verwaltungsrot demissionéiert: Schwéieren Häerzens hätt si déi Decisioun der Presidentin vum Musée, der Prinzessin Stéphanie an dem Premier Xavier Bettel e Sonndeg matgedeelt, esou d’Journalistin.

Serge Kesseler / cwi

Josée Hansen
D'Josée Hansen ass Journalistin beim Lëtzebuerger Land. Foto: Patrick Galbats

D’Josée Hansen huet präziséiert, datt d’Demissioun aus dem MUDAM-Verwaltungsrot näischt mat der Entscheedung vum Conseil ze dinn hätt, fir dem Direkter Enrico Lughi d’Vertrauen auszeschwätzen. Déi Entscheedung wier eestëmmeg gewiescht.

Nom Virfall Lunghi-Schram hätt si awer gemierkt, datt et deontologesch extrem schwéier gewiescht wier, als Haapt-Kulturjournalistin vun der Zeitung Lëtzebuerger Land gläichzäiteg Member vum Verwaltungsrot vum "Musée d’Art moderne Grand-Duc Jean" ze sinn, huet d’Josée Hansen explizéiert.

Zwou Deontologien

D'Journalistin schwätzt vun enger "onméiglecher Situatioun". Als Administrateur dierft een näischt aus dem Conseil no baussen droen an als Journalistin wéilt een esou vill wéi méiglech transparent maachen. Béid Deontologië stéinge sech géintiwwer.

Wéi si d’Nominatioun am Januar dëst Joer ugeholl hat, wier si sech och net bewosst gewiescht, wéi vill gesellschaftlech, politesch an ekonomesch Pressioun op de MUDAM gemaach géif ginn. De Kulturstaatssekretär Guy Arendt hat d’Josée Hansen gefrot, fir Member vum Verwaltungsrot ze ginn.

Tëschent 2004 an 2014 war d’Josée Hansen President vun der Rockhal.


Josée Hansen

Méi zum Thema

Marc Glesener.jpg Meenung
Medien

Dem Här Lunghi säi Verhalen ass typesch fir den Ëmgang, deen eng Partie Leit aus dem ëffentleche Liewen mat deenen hunn, déi Froe stellen, déi stéieren oder déi si net wëllen héieren.

Hansen-Mosar.JPG
Kulturassisen

"Jidderee wëll méi." D'Josée Hansen an de Christian Mosar erwaarde sech net vill vun de Kulturassisen. Déi zwee Journaliste vermësse Bescheidenheet bei de Kënschtler an eng Diskussioun iwwer Inhalter.

Net verpassen

  • Webinaire iwwer ADHS

    Webinar_SCRIPT_2021_10_26_ADHS.JPG

    Opmierksamkeetsdefizit-/ Hyperaktivitéitsstéierung: sensibiliséieren, informéieren a besonnesch d'Léierpersonal forméieren, fir mat Schüler, déi dës Krankheet hunn, ëmzegoen.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen