Protestmaniff vu "Youth for climate" "Mir hu keng Stëmm méi"

E Samschdeg den Owend waren déi Jonk vun der Organisatioun "Youth for climate" fir eng Manifestatioun an der Stad ënnerwee. Bei deem Protest sollt weder gejaut nach Banner gewise ginn. "Mir hunn genuch gejaut", seet d'River vun "Youth for climate". "Elo hu mir keng Stëmm méi!"

Sophie Morang / cbi

"Mir hu keng Stëmm méi"
Foto: Bigstock / Suriyawut Suriya

De ganzen Interview lauschteren


"Mir hunn es sat", seet d'River vu "Youth for climate". "Egal wéi haart mir blären, et gëtt eis awer net nogelauschtert!". Dofir sollt et op der Maniff vun e Samschdeg roueg sinn.

Datt de Message vun der Organisatioun domat net eriwwer kënnt, fäert d'River net."Mir hunn eise Message iwwer déi lescht Joren ëmmer erëm kloer gemaach, deen huet net vill geännert", erkläert déi jonk Aktivistin. "Eis Revendicatioune bleiwen déi selwecht, ob mir elo blären oder näischt soen!"

Op d'Experte lauschteren!

An awer fuerderen déi Jonk, datt d'Klimakris méi an den Virdergrond vun der Politik gesat gëtt, vill méi, wéi dat aktuell geschitt. Si selwer wiere keng Experten, géifen awer op déi lauschteren. "Et ass awer net eisen Job fir genee Solutiounen ze formuléieren ", seet d'River, "schliisslech si mir nëmme Schüler!"

Eng Radikaliséierung vum Klimaprotest, wéi et aktuell an Däitschland duerch d'Leit vun der Organisatioun "Letzte Generation" gemaach gëtt, schléisst d'River aus."Mir wäerten net ufänke Konscht ze beschiedegen", seet si.

Méi zum Thema

Illustratioun Klimawandel
Weltmeteosorganisatioun

Praktesch all Regiounen uechtert d'Welt si vun extreme Wiederkonditioune betraff. Grond fir dat extreemt Wieder ass de Klimawandel, dat geet aus dem neiste Rapport vun der Weltmeteosorganisatioun ervir.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen