Dan Kersch "Migratiounswell net um Enn"

"A Syrien gëtt nach ëmmer monter weider gebommt, sou datt ee muss dovunner ausgoen, datt d'Migratiounswelle net eriwwer ass." Dat seet den Inneminister Dan Kersch am Gespréich mam Mick Entringer, an deem et och ëm d'Zukunft vun de Kierchefabriken an d'Reform vun de Rettungsdéngschter geet. François Aulner

Dan Kersch

D'Regierung hätt hei am Land elo siwe Strukturen detektéiert fir Flüchtlingen ënnerzebréngen (Stengefort, Mamer, Dikrech, Jonglënster, Zolwer, Maarnech an Esch). "A mir sinn nach ëmmer amgaang nei Siten ze detektéieren", esou den Dan Kersch. An dëse Strukture géinge maximal 300 Mënschen ënnerkommen. Senger Meenung no, wieren dat verhältnisméisseg kleng Strukturen. Zu Tréier beispillsweis, géinge bis zu 3000 Mënschen an engem Flüchtlingsheem opgeholl ginn.

Den Inneminister sot awer och, datt et un Zäit gefeelt hätt fir nach méi kleng Strukturen ze fannen. An der Vergangenheet schonn, hätt déi fréier Familljeministesch ëmmer rëm Appeller un d'Gemenge lancéiert. "Mee wou mer et awer net fäerdegbruecht hunn d'Gemenge genuch z'iwwerzeege fir dës Strukturen ze schafen." Elo wier een an enger Noutsituatioun. Zanter September sinn 2600 Flüchtlingen zu Lëtzebuerg ukomm.

Kierchefabriken: "um Terrain decidéieren"

Wéi mat de neier Konventioun tëscht dem Staat an der kathoulescher Kierch ausgemaach gouf, ginn d'Kierchefabriken, déi d'Haiser an aner Avoire vun der kathoulescher Kierch geréieren, ofgeschaaft an duerch ee Fong ersat, deen dem Bistum soll ënnerleien. Wat an de Fong kënnt a wat d'Gemengen iwwerhuelen, sollen d'Leit um Terrain decidéieren, esou den Dan Kersch.

Den Inneminister sot: "Wa si Konventioune fäerdegbrénge bis den 1. Januar 2017, da wäerte mer dat tel quel an d'Gesetz aschreiwen, fir datt kloer ass wien Proprietaire vum jeeweilege Gebai ass." Fir déi Gebaier wou ee sech net géing Eens ginn, wier virgesinn, datt de Gesetzgeber virun Enn vum Joer tranchéiere soll.

Rettungsdéngschter: E Plafong fir d'Gemengen?

Bei der Reform vun de Rettungsdéngschter, déi zanter August an der Chamber deposéiert ass, sot den Dan Kersch hie wier bereet mat de Gemengen ze diskutéiere fir eventuell Finanzéierungs-Plafongen anzeféieren. 

"Ech hu vun Ufank u gesot, datt wa mer wëllen e Qualitéitssprong maachen, da kënnt dat net zum Nulltarif", huet den Inneminister widderholl. Hien huet awer och erënnert, datt am Moment de Staat ronn 36 Prozent vun de Käschte vun de Rettungsdéngschter finanzéiert. An Zukunft wieren et 50 Prozent.

An der Mediathéik:

Invité vum Dag / /
Lauschteren

Méi zum Thema

Claude Haagen.jpg
Trennung Kierch-Staat

De Rapporter vun deem Text, den LSAP-Deputéierte Claude Haagen, reagéiert domat op Kritike vun der CSV. Datt mam Daachverband vun de Kierchefabrike misst verhandelt ginn, gesäit hien net onbedéngt an.

Well vill vun den Protex- an Pompjees-Asätz mat Autosaccidenter ze dinn hunn, kéinten d’Assurance-Gesellschaften en Deel vun de Autos-Assurancen fir de Finanzement vun de Rettungsdéngschter oftrieden, esou d'Iwwerleeung vum Dan Kersch

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen