Medezin Méigleche Medezinstudium zu Lëtzebuerg

Den Héichschoulministère wëllt an den nächste Joren iwwerpréiwen, ob et Sënn mécht ee komplette Medezinstudium op der Uni Lëtzebuerg unzebidden. Eng Pist wier de Modell vun enger Unisklinik.

Maxi Pesch / cbi

Een Drëtten vun de Medezinstudente kënnt net op Lëtzebuerg zeréck
Een Drëttel vun de Medezinstudente kënnt net op Lëtzebuerg zeréck. Foto: Bigstock / World Image

Lauschteren


Domat reagéiert de Ministère op d'Fuerderung vun der ALEM fir zu Lëtzebuerg a Master Studiegang an der Medezin unzebidden an domadder der Penurie vun den Dokteren entgéintzewierken.

Dem Héichschoulministère no kéint een op Nofro hin allerdéngs dorausser net genee chiffréieren, wéi vill Studente schlussendlech zeréckkommen a wéi vill net. Ee vun de Grënn, wisou datt vill Studenten net op Lëtzebuerg zeréckkomme wier, datt si mat der Zäit de Frëndeskrees an d'Famill op der Studieplaz géifen opbauen.

Infrastrukture feelen

En anere Grond wier, datt zu Lëtzebuerg déi néideg Infrastrukture géife feele fir innovativ ze schaffen, seet de Leon Diederich vum Héichschoulministère:

"Sief et beispillsweis eng Unisklinick, déi gewëss Karriärschancë bitt, awer och d'Recherche integréiert, fir eng gewëssen Innovatioun steet, well een ëmmer um neiste Stand vun der Medezin ka bleiwen an d'Innovatioun ka mat virubréngen."

Ausserdeem kéinten Doktere sech an engem Grupp zesummendoen, ergänzt de Leon Diederich. Heifir géif et den Ament nach kee legale Kader zu Lëtzebuerg ginn.

Dat wiere vill vun de Grondbedéngungen, op déi jonk Doktere wäert géife leeën, an déi een an den nächste Joren och "ouni Problem" kéint zu Lëtzebuerg schafen.

Knapp een Drëttel kënnt net op Lëtzebuerg zeréck

Rezent hat d'Associatioun vun de Lëtzebuerger Medezinstudenten eng Etüd publizéiert, an där et heescht, datt knapp een Drëttel vun de Medezinstudenten nom Studium net méi wëllen zeréck op Lëtzebuerg schaffe kommen.

230 Studente goufe vun der ALEM gefrot, ob si no hirem Studium wéilten zeréck op Lëtzebuerg schaffe kommen, erkläert de Chris Speicher, Vizepresident vun der Associatioun. Wat d'Medezinstudente méi laang am Ausland bleiwen, wat de Wëlle fir zeréckzekomme géif ofhuelen.

Studenten aus den éischten zwee Studiejoer hätten zu 95 Prozent uginn, datt si wéilten zeréckkommen. Zum Schluss vum Studium fält dësen Taux op 76 Prozent bei den Dokteren a bei 70 Prozent bei den Assistenzdokteren.

Ee komplette Studium zu Lëtzebuerg

An Zukunft géif et zu Lëtzebuerg eng Penurie un Doktere ginn. Ronn d'Hallschecht vun de 1.500 Spezialisten hei am Land wieren no um Pensiounsalter, esou de Chris Speicher. D'Unzuel u Studenten, déi zeréckkommen, kéint dëst Lach an den nächste Joren awer net fëllen. Deemno proposéiert d'ALEM ënner anerem ee komplett Medezinstudium hei am Land.

"Da wier e jo quasi sécher, datt déi Leit, déi dat zu Lëtzebuerg maachen, och hei bleiwen. De Wëllen ass do. och dat koum eraus. Datt zum Beispill, wat d'Fachausbildung ugeet, een Drëttel bereet ass fir se komplett zu Lëtzebuerg ze maachen. Da behale si och de Frëndeskrees."

Allerdéngs wier et wichteg, datt d'Studenten och Experienz an d'Ausland sammele ginn, esou nach de Chris Speicher.

Héichschoulministère evaluéiert Bachelorstudium

An den nächste fënnef Joer géif den Héichschoulministère de Bachelorstudiegang evaluéieren, heescht et op Nofro hin. Et géif ee kucken ënner wéi enge Konditiounen a wéini e Masterstudiegang méiglech wier.

Eng Unisklinick wier bis ewell keen Theema gewiescht, mee och esou e Modell kéint analyséiert ginn. De Santésministère wollt net op d'Fuerderunge vun der ALEM reagéieren.

An der Mediathéik:

Aktuelles / / Maxi Pesch
Lauschteren

Méi zum Thema

Een Dokter
Medezin

D'Qualitéit vun der medezinescher Versuergung kéint an nächster Zäit ofhuelen, fäert d'AMMD. D'Offere fir d'Doktere géife méi kleng ginn an d'Attraktivitéit am Land géif ofhuelen, seet den Dr. Alain Schmit.

Dokteren
Corona-Pandemie

D'Dokteren, déi d'Patiente wärend der éischter Well behandelt hunn, sinn nach ëmmer net bezuelt ginn. Bis Mëtt nächster Woch soll kloer sinn, wéi een am Fall vun enger zweeter Well virgeet.

Alain Schmit
AMMD

Den Dr. Alain Schmit, President vun der AMMD, fäert, datt et an Zukunft un Doktere feele kéint. Et wier een ëmmer méi op auslännesch Dokteren ugewisen, et wéilt een awer just déi Bescht op Lëtzebuerg huelen.

Dokter
Medezin

E Manktem un Dokteren ass net auszeschléissen, mat enger Rei Decisioune soll en awer verhënnert ginn. Ënner anerem soll déi universitär Medezinsformatioun op der Uni Lëtzebuerg ausgebaut ginn.

Net verpassen

Programm

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen