Méi staatlech Interventioun um Wunnengsmaart néideg

Fir de Problem vun den ëmmer méi héije Präisser um Wunnengsmaart an de Grëff ze kréien, a fir fräi Terrainen ze mobiliséiere, muss de Staat méi intervenéieren. Dat war eng vun de Konklusiounen den 3. Oktober an enger 100,7-Analyse. Am Kader vum zukënftege sektorielle Plang “Logement” si 520 Hektar u Bauflächen virgesinn. 2/5 leien am aktuellen Bauperimeter.

“Fir déi Terraine kann een als läscht Optioun op d’Expropriatioun zréckgräifen, sou wéi dat am Landesplanunggesetz virgesinn ass”, seet de Wunnengsbauminister Marco Schank. Allerdéngs ginn et do juristesch Froen déi nach net gekläert sinn. Ewéi zum Beispill de Präis, deen de Proprietaire soll kréie wann et zu enger Enteegenung wéinst “interêt public” kënnt.

Weider Mëttel sinn Taxen op fräien Terrainen, "déi awer missten um nationale Plang festgeluecht gi, fir ze verhënneren datt Buergermeeschter ënner Drock kenne gesat ginn", esou den Direkter vun der Société nationale des habitations à bon marché, de Guy Entringer.

Gréisser Ënnerscheeder an de Wahlprogrammer ginn et wat d’Erweiderung vum Bauperimeter ugeet. Déi Gréng wëllen eng Erweiderung verhënneren. Et misst ee méi dicht bauen an nei Wunnformen ubidden. D’LSAP an d’CSV wëllen de Bauperimeter erweidere, sou wéi den Plan sectoriel “Logement” dat virgesäit.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen