Lydie Polfer fënnt Invitatioun vum Whistleblower Deltour net opportun
Déi Stater Buergermeeschterin Lydie Polfer fënnt et net opportun, de fréiere Mataarbechter vu PricewaterHouseCoopers, Antoine Deltour, op eng Diskussioun an der Stater Cinemathéik z’invitéieren.
d’Wochenzeitung Woxx schreift iwwer Rumeuren, d’Stad Lëtzebuerg hätt eng fir nächste Méinde geplangten Debatt mam franséische Whistleblower, duerch deen de LuxLeaks-Skandal ausgebrach ass, verhënnert. Eng Invitatioun stoung am Gespréich, mee den Antoine Deltour gouf net ausgelueden, sou d’Lydie Polfer am 100,7-Interview.
d’DP-Politikerin Lydie Polfer begrënnt hier Entscheedung mam Argument, datt de fréiere PWC-Mataarbechter vum Lëtzebuerger Parquet inculpéiert ginn ass. Den Antoine Deltour huet zouginn, Tax Rulinge bei sengem fréiere Patron kopéiert a weiderginn ze hunn. Enger Schold wier hie sech awer net bewosst. De Whistleblower waart elo op säi Prozess.
Hei der Stater Buergermeeschterin hier Äntwert op d'Fro, ob den Antoine Deltour ausgeluede ginn ass:
