Ukrain-Konflikt LSAP-President fënnt et "onglécklech", datt fréier Ministeren a russesche CAen sëtzen

Mam Etienne Schneider a Jeannot Krecké setzen zwee fréier Lëtzebuerg Ministeren a Verwaltungsréit vu russesche Firmen. Den LSAP-President Yves Cruchten fënnt dat "onglécklech", mee gesäit kee Verstouss géint d'Parteistatuten.

Christiane Kleer / tt

Yves Cruchten
Den Yves Cruchten ass aktuell President vun der LSAP. Foto: Archiv

Zanter 2020 ass de fréiere Wirtschaftsminister Etienne Schneider Member vum Verwaltungsrot vu Sistema, engem russesche Konglomerat. Säi Virgänger Jeannot Krecké, dee virdrun och am Verwaltungsrot vu Sistema sutz, presidéiert aktuell de CA vun der russescher Bank East-West United.

Den Yves Cruchten sot eis de Moien, datt seng zwee Parteikolleegen hätten déi Mandater als Privatleit ugeholl. Hie selwer géif och net gesinn, datt dat géif géint d'Statute vun der LSAP verstoussen. Sengen Informatiounen no wiere béid Firmen och weder op der Sanktiounslëscht vun der EU, nach op där vun den USA.

D'Jonk Sozialisten haten op de soziale Medie gefuerdert, datt all Sozialisten, déi an engem russesche Conseil d'administration sëtzen, dëse solle verloossen.

Déi zwee fréier Ministere ware bis elo fir eng Stellungnam net erreechbar.

Gëschter haten de fréiere finneschen an de fréieren italienesche Premier sech vun hire Poste bei russesche Firmen zeréckgezunn.

Méi zum Thema

Olaf Scholz an Charles Michel um Spezial-Sommet
Ukrain-Konflikt

EU bréngt zweete Sanktiounspak géint Russland op de Wee. Betraff sinn de russesche Finanz-, den Energie- an den Transport-Secteur, virgesi sinn och Export-Kontrollen.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen