Wunnen Logement: Déi Jonk Gréng fuerdere méi Aktioun vun der Regierung

An der Logementskris muss d'Regierung endlech ëmsteieren, fuerderen déi Jonk Gréng. Virun der Press hu si de Freideg de Moien eng Rei Proposen op den Dësch geluecht mam Zil méi bezuelbare Wunnraum ze schafen. De Staat soll mëttelfristeg zwee Prozent vum PIB, oder 1,2 Milliarden Euro an de bezuelbare Wunnraum investéieren.

Carole Schimmer / cz

déi gréng
Foto: Archiv

Fir dat ze finanzéieren, misst ee nei Recette fannen. Steiervirdeeler fir Investisseuren, ewéi den amortissement accéléré missten ofgebaut ginn. Weider fuerderen déi jonk Gréng datt Ierfschaften a gréisser Verméije méi konsequent besteiert ginn.

Déi Jonk Gréng proposéieren datt ee Wunnengen déi eidel stinn an ongenotzte Bauterraine verstäerkt besteiert. D'Zil ass et der Spekulatioun entgéintzewierken. De Fabrizio Costa vun déi jonk Gréng.

De Fabrizio Costa

"Dofir brauche mer endlech d'Reform vun der Grondsteier gekoppelt un eng konsequent Besteierung vun Terrainen innerhalb vum Bauperimeter. Mir fuerderen d'Inneministesch op, datt se nach an dëser Legislaturperiod e Gesetzesprojet virleet. Gläichzäiteg ass et och genau sou wichteg, datt d'Regierung och schonn Diskussiounen iwwer den Taux vun där Besteierung féiert an och no bausse kommunizéiert. Eis schwieft hei en Taux tëscht 10 a 15 Prozent vum Wäert vum Terrain vir, well den Taux muss méi héich sinn, wéi de järleche Gewënn vum deen een duerch den Terrain mécht. Alleng d'Tatsaach, datt d'Regierung géif no bausse kommunizéieren, datt se en héijem Taux wäert aféieren an datt d'Reform tatsächlech kënnt, alleng dat ass schonn ee Signal no baussen, datt sech an Zukunft spekuléieren net méi lount."

Eng aner Finanzéierungsquell wier de Verkaf vun de staatleche Participatiounen an de Banken, déi ee wärend der Finanzkris gerett hat.

Méi zum Thema

Antoine Paccoud
Logement

Et feelt zu Lëtzebuerg un der Bereetschaft vu Proprietäre fir hir Terrainen an d'Vente ze ginn a bebauen ze loossen. Et géif deemno och näischt bréngen, de Bauperimeter ze vergréisseren, seet den Antoine Paccoud.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen