Lëtzebuerg kéint 90 Mio. Euro aus EU-Budget rembourséiert kréien
Lëtzebuerg soll 90 Milliounen Euro aus dem europäesche Budget rembourséiert kréien. Dat sot de Premier Xavier Bettel nom EU-Sommet zu Bréissel. Wann sech déi aktuell Estimatioune confirméieren, kéint dat och een Impakt op déi national Budgetsdiskussioun hunn, sou de Xavier Bettel. Et misst een awer op Detailer waarden.
D’Contributioune vun de Memberstaten zum Budget vun der Europäescher Unioun waren haut ee grousse Sträitpunkt tëscht den europäesche Staats- a Regierungschefen. Well Eurostat eng nei Method huet fir d’Berechnung vum PIB (de sougenannte SEC 2010), musse verschidde Länner méi bezuele wéi virgesinn, anerer kréien nees Suen zréck. Schaarf Kritik kënnt aus Groussbritannien, dat mat ronn 2 Milliarden Euro déi gréisste Rechnung presentéiert krut. De britesche Premier sot de Mëtten virun der Press hien wier net bereet des Zomm ze bezuelen, et misst elo séier gekläert ginn, ob des Chiffrë korrekt zustan koumen.
De Premier Xavier Bettel zum méigleche Remboursement vun 90 Milliounen Euro:
