Koalitiounsverhandlungen: DP wollt Lycéesreform zereckzéien
100,7 Informatioune no huet d’DP d’läscht Woch am Koalitiouns-Aarbechtsgrupp "Educatioun" gefuerdert, datt de "projet de loi" iwwert d’Lycéesreform vum Rôle vun der Chamber erofgeholl gëtt. Dëst huet zu gréisseren Meenungsverschiddenheeten mat de Vertrieder vun LSAP an deene Gréngen gefouert.
De Baitrag vum Mick Entringer
[audio mp3="http://www.100komma7.lu/emissions/wp-content/uploads/Mick-Edukatioun-1.mp3"]
De ganzen Text, fir nozeliesen:
Esouwuel vun Säiten vun der DP, wéi der LSAP krute mer confirméiert, datt et läscht Woch am Aarbechtsgrupp iwwert d’Educatioun Meenungsverschiddenheeten iwwert de "projet de loi" vun der Lycéesreform gouf. Op Nofro hin kruten mer bei der DP gesot, et wéilt een de "projet de loi" vum Rôle vun der Chamber erofhuelen, fir dem neien Minister Zäit ze ginn fir sech an ze schaffe, an fir op verschiddenen Punkten no ze besseren. Zum Beispill beim Tutorat. Dat géing der DP no awer net heeschen, datt een de ganzen Gesetzesprojet wéilt zréckzéien. Eppes wat d’Demokratesch Partei och weder am Walprogramm nach am Walkampf gefuerdert hat.
Faktesch awer wär et dat. Well Modifikatiounen sinn iwwert Amendementer um aktuellen Text méiglech. Wann e "projet de loi" iwwert d’Lycéesreform vum Rôle vun der Chamber erofgeholl gëtt, leeft dat drop eraus, datt duerno en neien "projet de loi" géing deposéiert ginn, mat enger neier Nummer, vun engem neie Minister. Et wär net méi den Text vun der LSAP-Educatiounsministesch Mady Delvaux.
D’Sozialisten hunn eisen Informatiounen no, gëscht Mëtteg e zousätzleche Diskussiouns-Pabeier iwwert d’Schoulreformen ausgeschafft, deen haut de Moien dem Aarbechtsgrupp Educatioun virgeluecht gouf. Den Aarbechtsgrupp ass en ganzen Dag “open end” zesummen, an anere Wieder sou laang wéi néideg. Falls et kéng Eenegung géing ginn, kéim den Dossier an d’Koalitiouns-Plenière. Vun Säiten vun der DP heescht et awer, datt een dovun ausgeet datt een sech Eens gëtt.
Faktesch awer wär et dat. Well Modifikatiounen sinn iwwert Amendementer um aktuellen Text méiglech. Wann e "projet de loi" iwwert d’Lycéesreform vum Rôle vun der Chamber erofgeholl gëtt, leeft dat drop eraus, datt duerno en neien "projet de loi" géing deposéiert ginn, mat enger neier Nummer, vun engem neie Minister. Et wär net méi den Text vun der LSAP-Educatiounsministesch Mady Delvaux.
D’Sozialisten hunn eisen Informatiounen no, gëscht Mëtteg e zousätzleche Diskussiouns-Pabeier iwwert d’Schoulreformen ausgeschafft, deen haut de Moien dem Aarbechtsgrupp Educatioun virgeluecht gouf. Den Aarbechtsgrupp ass en ganzen Dag “open end” zesummen, an anere Wieder sou laang wéi néideg. Falls et kéng Eenegung géing ginn, kéim den Dossier an d’Koalitiouns-Plenière. Vun Säiten vun der DP heescht et awer, datt een dovun ausgeet datt een sech Eens gëtt.
