Keen Dementi a kéng Confirmatioun, datt d'allocation d'éducation ofgeschaaft gëtt
“Mir mussen d’Fraen encouragéiere fir eegestänneg ze sinn.” Dat war d’Äntwert vun der Familljen- an Integratiounsministesch Corinne Cahen, op d’Fro ob d’allocation d’éducation an d’allocation de maternité gestrach ginn.
Beim Kannergeld géing no enger Léisung gesicht ginn, fir, datt déi di den Ament dovunner profitéieren näischt ewechgeholl kréien. Wéini eng Reform vum Kannergeld kënnt huet d’Corinne Cahen net gesot, et géingen nach juristesch Froe gekläert ginn.
Haaptsujet an der Emissioun Riicht Eraus war d’Flüchtlingspolitik: De fréiere President vun der ASTI Serge Kollwelter sot, et wier méi Écoute op Säite vum Familljeministère bei der Betreiung vun Demandeurs d’asile. Hien huet begréisst, datt amgaange wier un de Conclusiounen aus dem Audit iwwert den OLAI geschafft ze ginn.
D'ganz Emissioun Riicht Eraus, Moderatioun François Aulner:
