Juncker ass neie President vun der EU Kommissioun
D'Europaparlament huet fir de Jean-Claude Juncker als neien President vun der EU-Kommissioun gestëmmt. De fréiere Lëtzebuerger Premier krut 422 Stëmmen. Fir gewielt ze ginn waren der 376 néideg. 250 EU-Députéiert hu géint hie gestëmmt. De Jean-Claude Juncker gëtt also Nofolger vum José Manuel Barroso als Chef vu ronn 33.000 EU-Beamten.
De President vum Europaparlament Martin Schulz no der Annonce vum Resultat vum Vote zu Strossbuerg
A senger Ried vu 50 Minutten huet de Jean-Claude Juncker de Moie säi Programm fir déi nächst fënnef Joer presentéiert, e Programm ënnert dem Titel “E neie Start fir Europa: Mäin Agenda fir Aarbechtsplazen, Wuesstem, Gerechtegkeet an Demokratesche Changement.”
De Bäitrag vum François Aulner:
Bis den 1. November muss déi nei EU-Kommissioun stoen. Vu muer un féiert de Jean-Claude Juncker Gespréicher mat de Regierungen vun den eenzelne Memberstaten fir déi 27 EU-Kommissären ze designéieren.
