Pandemie Intensiv-Medezinner: "Impfung ass e solidareschen Akt"

D'Impfcampagne géif mat sech bréngen, datt praktesch keng al Leit méi hospitaliséiert ginn, esou den Dr. Jean Reuter aus dem CHL. Elo wier et awer wichteg, datt och déi Jonk sech impfe loossen, och wann si net zur Risiko-Populatioun zielen.

Rick Mertens (Interview) / Tessy Troes (Web)

Jean Reuter.jpg
De Jean Reuter ass Intensiv-Medezinner am CHL.

Op den Intensiv-Statiounen ass den Altersduerchschnëtt vun de Covid-Patiente méi niddereg ewéi virun e puer Méint. Déi méi jonk Patienten, géifen am Duerchschnëtt och méi laang op der Intensiv-Statioun bleiwen, seet den Dr. Jean Reuter aus dem Stater CHL. Esou wiere verschidde Covid-Patiente schonn iwwer zwee Méint op senger Statioun.

Den Intensiv-Medezinner féiert des schlëmm Verleef bei Patiente vun ënner 60 Joer op déi nei Virus-Varianten zeréck, déi zënter e puer Méint am Ëmlaf sinn: "Mëttlerweil ass och bewisen, datt déi méi e schwéiere Verlaf bei méi jonke Leit kënnen hunn."

Een Appell un déi méi Jonk

Am Moment sinn hei am Land 31 Patienten op den Intensiv-Statiounen hospitaliséiert. Dës Zuel ass an de leschte Woche stabil bliwwen, wärend d'Hospitalisatiounen an de Soins normaux ofgeholl hunn.

Elo wier et awer wichteg, datt och déi Jonk sech impfe loossen, och wann si net zur Risiko-Populatioun zielen, esou den Dr. Jean Reuter.

Hie betount, impfe wier e "solidareschen Akt", bei deem et net nëmmen drëms geet sech selwer ze schützen, mee och déi aner. Den Intensiv-Medezinner huet an dem Kontext drun erënnert, datt reegelméisseg Leit an d'Spidol ageliwwert ginn, déi vu Familljememberen ugestach goufen:

"A wann dann e Familljemember stierft, an dir hutt de Virus era bruecht - do wäert der mussen dru knaen. An dat muss der dann an de nächste Joren och mat Iech selwer ausmaachen: Wann der wësst, datt et am Fong e Moyen gëtt fir Iech selwer effikass ze schützen, an och déi aner effikass ze schützen."

An der Mediathéik:

Invité:e vum Dag / / Rick Mertens
Lauschteren

Méi zum Thema

Nationalkongress DP
DP-KONGRESS

Virraussiichtlech soll jiddwer Lëtzebuerger bis virun der grousser Vakanz eng Invitatioun geschéckt kritt hunn. Dat sot de Premierminister Xavier Bettel de Méindeg den Owend um Kongress vun der Demokratescher Partei.

Marc Fischbach
Impfcampagne

51 Prozent vum Personal vun Alters- a Fleegeheemer huet sech impfe gelooss, seet de Marc Fischbach. Och dat administratiivt Personal ass hei agerechent - wéi vill Fleegepersonal sech impfe gelooss huet, ass net gewosst.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen