Handelskammer kritiséiert Geheimdéngscht-Reform
Déi geplangte Reform vum Geheimdéngschtgesetz stéisst bei der Chambre de Commerce op Kritik. Wann den Text net amendéiert gëtt, misst de Finanzsecteur aus dem Kompetenzberäich vum Geheimdéngscht ausgeschloss ginn, heescht et am Avis.
Der Handelskammer no, ass de Gesetzprojet direkt op enger Rei Punkte net konform mat der europäescher Mënscherechtskonventioun. Ënnert anerem misst et eng extern Kontroll duerch d’Justiz ginn, fir z'iwwerpréiwen ob de SREL säi Mandat während spezifesche Missiounen och respektéiert. Fir fréier SREL-Agente misst iwwerdeems eng liewenslänglech Confidentialitéits-Obligatioun gëllen, amplaz vu just maximal 20 Joer.
Den Interview vum Pia Oppel mat der Marie-Aline Peetermans, déi den Avis geschriwwen huet:
Notiz vun der Redaktioun: Am Interview ass mat "comité des présidents" déi extern Kommissioun gemengt, an där de President vun der Cour supérieure, de President vum Verwaltungsgeriicht an de President vum Bezierksgeriicht Lëtzebuerg vertruede sinn.
