Educatioun Grouss Majoritéit vum Schoulpersonal ass geimpft

87 Prozent vum Léierpersonal hei am Land si mëttlerweil voll geimpft. Dat huet den Educatiounsminister Claude Meisch de Moie matgedeelt. Bis d'Rentrée géif den Taux viraussiichtlech bei bal 90 Prozent leien, heescht et op Nofro hin am Educatiounsministère. Vun de Schüler tëscht 12 an 18 Joer sinn der d'Hallschent geimpft, esou nach den Educatiounsminister. D'Berodungen iwwer dat sanitäert Konzept fir d'Schoulrentrée lafen iwwerdeems grad op Héichtouren.

Pia Oppel / cz

Claude Meisch

Lauschteren


Dëse Freideg hunn den Educatiounsministère an d'Santé sech als Delai gesat fir eng Propos zum sanitäre Konzept virzeleeën. Dat schreiwen den Educatiounsminister Claude Meisch an d'Gesondheetsministerin Paulette Lenert an der Äntwert op eng parlamentaresch Fro vun der CSV. Et hätt een d'Evolutioun vun den Infektiounszuelen iwwer de Summer wëllen ofwaarden, fir sécherzestellen, datt déi sanitär Mesuren un déi aktuell Situatioun adaptéiert sinn, sou d'Erklärung.

Uganks nächster Woch sollen dann d'Schoulpartner consultéiert ginn. Dozou gehéiere gewéinlech déi national Schülerkonferenz, d'Elterevertriedung an d'Enseignantsgewerkschaften. E Mëttwoch ass Regierungsrot, wou da soll tranchéiert ginn.

Wat genau geplangt ass, verroden d'Ministeren net an den Educatiounsministère wëllt sech och op Nofro hin net dozou äusseren. An der Äntwert op déi parlamentaresch Fro ass et déi méi grondsätzlech Ausso, datt een um Stufeplang wëll festhalen, dee sech d'lescht Schouljoer bewisen hätt. Dat heescht, jee no Presenz vum Virus an de Schoulen aner Mesurë gëllen.

Kee CovidCheck-Regimm fir d'Schoulen

Ausgeschloss gëtt dann, datt de CovidCheck-Regimm fir den "allgemengen Zougank zur Educatioun" kéint gëllen. D'Ministere Meisch a Lenert ginn ze bedenken, datt et eng allgemeng Schoulflicht gëtt. Mee nach hätten net all d'Schüler Geleeënheet gehat sech komplett impfen ze loossen. An d'Kanner ënner zwielef hätten déi Méiglechkeet guer net.

D'Aféiere vum CovidCheck-Regimm géif fir net geimpften oder geheelte Schüler eng Testflicht bedeiten. An datt d'Tester an de Schoule weider solle fräiwëlleg sinn, gëtt an der parlamentarescher Fro präziséiert.

Et heescht dann awer, datt de CovidCheck-System als een Element vum Stufeplang kéint zum Asaz komme "wann et Infektioune bannent engem Grupp gëtt".

Nach keng Kloerheet iwwer Masken am Unterrecht

Wéi eng Roll Masken am sanitäre Konzept wäerte spillen, ass nach net bekannt.

Sief an deem Kontext drop verwisen, datt am aktuelle Covid-Gesetz virgesinn ass, datt fir schoulesch a para-schoulesch Aktivitéiten d'Maskeflicht just dobanne gëllt a wann ee sech déplacéiert - also net wa Schüler op hirer Plaz sëtzen. Vun der Maskeflicht ausgeschloss sinn d'Spillschoul an de Precoce. D'Gesetz vu Mëtt Juli leeft nach bis Mëtt September, also just éier d'Schoul nees ufänkt.

Méi zum Thema

Claude Meisch
Educatioun

D'lescht Woch goufen 63 Corona-Infektiounen an de Schoulen duerch Schnelltester entdeckt, sou den Educatiounsminister Claude Meisch. Dat wier eng däitlech méi eng héich Participatioun, wéi beim Large Scale Testing.

Claude Meisch, ministre de l’Éducation nationale, de l’Enfance et de la Jeunesse
Covid-Gesetz

Déi temporär Mesurë fir de Beräich Educatioun wäerten anescht wéi geplangt net an dat iwwerschafft Covid-Gesetz stoe kommen. De Claude Meisch wëllt dëse Passage aus dem Gesetzesprojet sträichen.

 

Net verpassen

Programm

  • Notturno

  • On air

    Virum Dag vu 6 bis 10

  • Panorama

  • Virum Dag vu 6 bis 10

  • Noriichten

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen