Fixerstuff: Verwaltungsgeriicht annuléiert Décisioun vun der Gemeng
D’Pläng fir eng nei permanent Fixerstuff an der Stad mussen nach waarden! D’Verwaltungsgeriicht huet an éischter Instanz der Firma Paul Würth deelweis Recht ginn an d’Decisioun vum Gemengerot vum 4. Mäerz d’läscht Joer annuléiert, eng Decisioun deemools fir de generelle Bebauungsplang (PAG) zu Hollerech esou ze modifiéieren, fir géigeniwwer vum Setz vu Paul Würth d’Fixerstuff kennen ze bauen. Den entspriechenden Accord vum Inneministère ass logescherweis och annuléiert ginn.
D’Buergermeeschtesch Lydie Polfer sot op Nofro hin d’Gemeng géing d’Uerteel respektéieren. Et géing een elo Récksprooch mam Gesondheetsministère huele fir déi nächst Schrëtter ze decidéieren.
Déi aktuell provisoresch Containeren zu Bouneweg kéinten nach op d’mannst zwee Joer laang funktionéieren, esou hirersäits d’Schäffin Viviane Loschetter. Trotzdem, wéinst der grousser Zuel vu Leit déi betreit ginn, wier eng permanent Fixerstuff nach ëmmer batter néideg, genee sou wéi aner Strukturen op anere Plazen am Land.
Den Interview vum François Aulner mam Viviane Loschetter:
