Liberalismus "Fir d’éischt Flüchtlingen invitéieren, déi finanziell op eegene Féiss stinn"

Refugiéë wieren eng Chance fir de Wirtschafts- a Sozialsystem, sou de Laurent Heisten, Vertrieder vun der politescher Bewegung “Déi Liberal”. D’Roll vum Staat beim Accueil vun de Mënsche misst sech allerdéngs op ee Minimum begrenzen, nom Motto: “Méi Fräiheet, manner Staat”.

Michel Delage

Laurent Heisten
Laurent Heisten

Staatlech Agrëffer fir d'Lounënnerscheeder tëschent de Geschlechter ze reduzéiere wieren e Verstouss géint de Gläichheetsprinzip, sot de Laurent Heisten, Spriecher vun "Déi Liberal" de Moien op eiser Antenn. D’Regierung huet viru Méint e Gesetzprojet op den Instanzewee geschéckt, dee Betriber am Fall vun ongläicher Bezuelung bestrooft. "Wann et Lounënnerscheeder ginn, da misst een dat vu Fall zu Fall analyséieren. An da gesäit ee vläicht, datt et keng Ënnerscheeder ginn", sou de jonke Liberalen. Wéi beim Quotesystem géif d'Fra duerch eng staatlech Interventioun diskriminéiert an net gefërdert ginn.

"Déi Liberal" ass eng politesch Bewegung, déi sech virun engem Joer gegrënnt huet. Se trëtt a fir e sougenannte "Minimalstaat", dee sech eleng ëm d'Sécherheet vum Individuum sollt bekëmmeren. Där Virstellung no hätt de Staat sech weder an d'Wirtschaft an an d’Geldpolitik, nach an d'Bildung anzemëschen. Virun allem sollt en d'Eegestännegkeet an Eegeverantwortung vum Individuum respektéieren.

“Liberalismus wahrscheinlech déi soziaalst Doktrinn

D’Anti-Terrorismus-Mesure vun der Regierung ginn, well se d’Fräiheeten aschränken, refuséiert. “Déi Mesure kënnen och mëssbraucht ginn, wéi de ‘Patriot Act’ an Amerika gewisen huet”. Zum Beispill d’Ausspionnéierung vun all de Bierger: “dat geet kloer ze wäit”, sou de Laurent Heisten.

“Liberalismus ass eng Sozialdoktrinn wéi all déi aner och, wahrscheinlech déi soziaalst vun alleguerten”, sou de Laurent Heisten. Den eenzele Bierger géif dovun ausgoen, datt de Staat sech ëm déi aner Mënsche géif këmmeren, hie selwer dat net méi misst maachen. “De Sozialstaat huet also eng sozial Keelt agefouert, an ee gewëssenen Egoismus”.

“Zu Lëtzebuerg gëtt et keng politesch Debatt”

D’Flüchtlinge sollten zu Lëtzebuerg empfaange ginn an d’Chance kréien, sech hei z’integréieren. Et wier een op dës Mënschen ugewise fir de Wirtschafts- a Sozialsystem oprecht z’erhalen, mengt de Vertrieder vun “Déi Liberal”. Wann et kee staatleche Sozialsystem soll ginn, wie bekëmmert sech konkret ëm d’Refugiéen? “Mir sollte fir d’éischt Leit op Lëtzebuerg invitéieren, déi finanziell op eege Féiss kënne stoen, ouni Hëllef vum Staat”, sou de Laurent Heisten. Am anere Fall missten d’Gemengen asprangen, net awer de Staat.

De Spriecher vun “Déi Liberal” seet, zu Lëtzebuerg géif et keng politesch Debatt méi ginn. “Iwwer Inhalter gëtt net méi debattéiert, well déi grouss etabléiert Parteien all op enger Linn leien”. Och bannent de Parteie wier eng Diskussioun net méiglech, sou de fréieren DP-Member Heisten. D’Grënnung vun “Déi Liberal” wier also néideg gewiescht.

An der Mediathéik:

Invité vum Dag / / Michel Delage
Lauschteren

Méi zum Thema

Austria - May 22 2016: a second round for the austrian presidential election 2016 between Norbert Hofer from the Freedom Party Of Austria and Alexander Van der Bellen from Independent Green
Presidentewahlen Eisträich

Virun allem fir Europa géif de relative Succès vum Norbert Hofer (FPÖ) näischt Guddes bedeiten, sou d’Europaparlamentarier Frank Engel (CSV) a Charel Goerens (DP) am 100,7-Interview.

schommer jdl.JPG
JDL

De Successeur vum Estelle Malané léiert fir Schoulmeeschter. Vun der Mammepartei DP onofhängeg Meenunge wéilt ee weiderhi vertrieden.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen