Finanzminister Gramegna: "Lëtzebuerg erfëllt OECD-Kritären"

Lëtzebuerg wënscht sech vun der Belsch eng pragmatesch Approche am Steierdossier, sou de Finanzminister Pierre Gramegna am 100,7-Interview. Di belsch Autoritéite wëlle Lëtzebuerg Medieberichter no op eng Lëscht vu Steierparadäiser setzen. Enger geplangter Circulaire no sollen Entreprisen am Nopeschland verflicht ginn, Transferten op Lëtzebuerg vun iwwer 100.000 Euro bei der Steierverwaltung ze mellen. Fir de Pierre Gramegna eng administrativ Laascht fir di belsch Entreprisen, déi net gutt fir den Image vum Grand-Duché wier. D’Belsch applizéiert e Gesetz vun 2010, dat op deemoleg Transparenzkritäre vun der OECD baséiert. D’Lëtzebuerger Regierung ass der Meenung, datt dat Gesetz net mat EU-Reegele konform ass. Des weidere géif een d’OECD-Kritären an Tëschenzäit erfëllen, d’Organisatioun fir Wirtschaftlech Zesummenaarbecht an Entwécklung hätt dat bis elo nach net offiziell festgehalen. Sollt d’Circulaire erausgoen, “dann ass dat kee positiven Element fir d’Relatiounen tëschent deenen zwee Länner”, sou de Lëtzebuerger Finanzminister.

Den Interview vum Michel Delage mam Pierre Gramegna:

Net verpassen

Programm

  • Panorama

  • On air

    Virum Dag vu 6 bis 10

  • Noriichten

  • Sot emol

  • Iwwer Mëtteg vun 11 bis 2

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen