Groussbritannien Finanzéierung vun der BBC op der Kipp

Wäert et 2027 a Groussbritannien eriwwer si mam taxefinanzéierte Geschäftsmodell fir ëffentlech-rechtlech Medien? Dorop kéinten Aussoe vun der brittescher Kulturministerin Nadine Dorries hindeiten. Si hat uklénge gelooss, datt d'Televisiouns-Taxe fir zwee Joer sollten agefruer an a fënnef Joer souguer ofgeschaaft solle ginn. Dëst huet fir eng Rei Reaktioune gesuergt.

Vesna Andonovic / rb

Fändel vu Groussbritannien
Fändel vu Groussbritannien. Foto: Unsplash / Aleks Marinkovic

Lauschteren

Et wier "Kulturvandalismus" an "Deel vun enger Oflenkungsstrategie, fir allen ausser sech selwer d'Schold ze ginn", sot e Méindeg d'Labour-Expertin Lucy Powell beim Radiosender "Talk Radio".

De Boris Johnson war an der Lescht ëmmer méi an d'Kritik gerode wéinst Partien am Regierungssëtz wärend dem Confinement. Konservativ Tories-Politiker haten der BBC an dem Kontext eng negativ Berichterstattung virgehäit.

"The Times" kommentéiert, de Premier wéilt säin Image an der eegener Partei an der Ëffentlechkeet mat e puer populisteschen Aktiounen oppoléiere, ewéi dem Enn vun de Corona-Reegelen an England an engem méi schaarfe Virgoe géint Migranten.

En finanzielle Verloscht vun 3,2 Milliarde Pond

A fënnef Joer leeft de aktuelle Vertrag tëschent Staat a BBC of. Den Ament bezilt e brittesche Stot 159 Pond Tëlees-Tax am Joer. Wann dës ewechfalen, wier dat e finanziellt Lach vu ronn 3,2 Milliarde fir d'BBC. Konkret bedeit dat, datt wuel Aarbechtsplazen ofgebaut, respektiv Programmer a Spartekanäl misste gestrach ginn.

Dem "Guardian" géintiwwer hate BBC-Quelle vun enger extremer Schiedegung vun hirem Ruff geschwat.

E Cabinetsmember vum Boris Johnson huet e Méindeg op Antenn bei "Radio 4" schonns awer nuancéiert: D'Institutioun misst ënnerstëtzt a beschützt ginn, huet et geheescht. Et misst awer och eng "erwuessen Diskussioun" iwwer hire Finanzement gefouert ginn.

Weltwäit gëllt d'British Broadcasting Corporation als Beispill fir fräi a fairer Berichterstattung. Si gouf virun 100 Joer gegrënnt.

Méi zum Thema

Walen a Groussbritannien Analyse
Elections locales

Les élections locales au Royaume-Uni ont montré une nette avancée du parti conservateur, une déception des travaillistes et désir d'indépendance renforcé en Écosse. Une analyse de notre correspondante Elodie Goulesque.

Boris Johnson
Royaume-Uni

À la veille des élections locales, le Premier ministre britannique Boris Johnson est empêtré dans plusieurs scandales qui risquent d'entacher sa réputation. Malgré un démenti de Downing Street, les médias britanniques ne semblent pas prêts à oublier.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen