FHL: Accord Gewerkschafte-Regierung kéint de Budget vun de Spideeler sprengen
De Spidolsverband FHL freet sech, wéi e finanziellen Impakt de rezenten Accord tëschent der Regierung an de Gewerkschaften op de Secteur wäert hunn. d'Regierung huet sech jo engagéiert, d'Verbesserungen an der Fonction publique op d'Personal vum Spidolsecteur engersäits, anerersäits vum Fleege- a Sozialsecteur z'iwwerdroen.
Op di zousätzlech Käschte vum Gehälter-Accord war ee virbereet, sou den FHL-President Paul Junck am 100,7-Interview. D'Opwäertung vun de Karriären awer géif déi fir di nächst zwee Joer festgeluechte budgetär Enveloppe sprengen. Den FHL-President bezitt sech op di sougenannte "Commission des traitements", déi viru 4 Joer en Impakt vun 42 bis 83 Milliounen Euro d'Joer berechent hat.
Fir de Fleege- a Sozialsecteur war d'Opwäertung vun de Karriären deemools op zousätzlech 60 bis 66 Milliounen Euro d'Joer geschat ginn.
Iwwert de méiglechen Impakt vum Accord op d'Spideeler de Bäitrag vum Michel Delage:
