Fernand Etgen (DP) - Christian Kmiotek (Déi Gréng)

D’DP wëllt en “Ausbildungs-Mindestloun” aféieren, deen däitlech méi niddereg ass wéi de legale Mindestloun. "Domat wëll mer deene Leit, déi keng héich Qualifikatioun hunn, d’Halschent vun de Chômeuren zu Lëtzebuerg, hëllefen eng Platz an engem Betrib ze fannen", esou de Fernand Etgen, Kandidat vun der DP am Norden. Déi Gréng fannen dat kéng gutt Iddi, esou de Christian Kmiotek, Kandidat vun déi Gréng am Osten : “Souguer mam legale Mindestloun ass et schwiereg fir hei zu Lëtzebuerg ze wunnen an ze liewen.”

D’Finanzéierbarkeet vum Gehälter-Accord an der Fonction Publique stellt d’DP a Fro. Fir déi Gréng muss den Accord tëscht CSV-LSAP Regierung a CGFP fir d’Joren 2014-15 awer respektéiert ginn. “Accorden muss een anhalen, méi ass dozou net ze soen”, esou de Christian Kmiotek. De Fernand Etgen sot: “Et ass relativ schwéier de Leit ze vermëttelen, datt a Krisenzäiten déi eng sollen eppes bäi kréien an déi aner sollen zousätzlech Laaschten droe fir dat ze finanzéieren”, esou den DP-Kandidat.

De ganze Face-à-Face, moderéiert vum François Aulner, kënnt Der hei nolauschteren:

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen