EVP-Kongress: Jean-Claude Juncker ass Spëtzekandidat

De Jean-Claude Juncker ass Kandidat vun der Europäescher Vollekspartei fir de Poste vum EU-Kommissiounspresident. De fréiere CSV-Premier krut um EVP-Kongress zu Dublin 382 Delegéierten-Stëmmen, géigeniwwer 245 fir de Fransous Michel Barnier.
o wier keng Zäit méi ze verléieren, sou de Jean-Claude Juncker a senger éischter Ried als EVP-Spëtzekandidat: déi europäesch Sozialdemokraten hätten hiren Europawahlkampf scho laang lancéiert, dee Retard misst elo opgeholl ginn.

De Spëtzekandidat vun de Konservativen huet iwwerdeems kritiséiert, datt d'Sozialdemokraten  déi d’Euro-Krisepolitik als reng Austeritéitspolitik duerstellen géifen: Un den Decisioun wieren an de Krisejoren och sozialdemokratesch Regierungsvertrieder bedeelegt gewiescht. An den Euro hätt ee gerett.

Hei déi éischt Ried vum Jean-Claude Juncker als EVP-Spëtzekandidat:

 

An enger Pressekonferenz huet de Jean-Claude Juncker op e Neits betount, datt hien zu Lëtzebuerg net op der CSV-Lëscht wäert kandidéieren: hie wéilt EU-Kommissiounspresident ginn, a net Europadeputéierten.

D'Pia Oppel am Owespanorama live vum EVP-Kongress zu Dublin:

 

jcjuncker

Net verpassen

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen