Relatiounen tëschent EU a Belarus EU-Videokonferenz iwwer Grenz tëschent Litauen a Belarus

D'Situatioun tëschent Litauen a Belarus ass zanter Méint ganz ugespaant. Minsk soll Dausende vu Migranten op d'Grenz mat Litauen geschéckt hunn, als Reaktioun op Sanktiounen, déi d'EU géint Belarus verhaangen huet.

Danièle Weber (Bréissel) / cbi

Grenz tëschent Belarus a Polen
Migranten aus dem Irak wëllen aus Belarus an d'EU kommen, wéi hei op der Grenz tëschent Belarus a Polen. Foto: picture alliance / NurPhoto | STR

Lauschteren


Iwwer 4.000 Leit wieren zanter Ufanks des Joers op deem Wee an dat baltescht Land komm. Dat sinn der däitlech méi ewéi soss: zejoert goufe ganzer 80 Migranten op där Grenz gezielt.

Dat klengt Land mat 2,8 Milliounen Awunner fillt sech iwwerfuerdert an huet d'EU ëm Hëllef gefrot an eng Videokonferenz mat den EU-Inneminister aberuff, déi haut soll sinn. Iwwer eng Dose Memberlänner, dorënner och Lëtzebuerg, hunn am Virfeld Feldbetter an anert Material geschéckt.

EU-Kommissioun wëllt Baussegrenze schützen

Ufanks August huet sech d'Ylva Johansson, déi fir d'Migratioun zoustänneg EU-Kommissärin, ee Bild op der Plaz gemaach. Et géif sech hei net ëm eng Migratiounskris handelen, sou d'Schwedin, mee ëm eng Provokatioun vum Lukashenko-Regime.

Dat wier net acceptabel, an et misst kloergestallt ginn, datt et kee fräien Accès an d'EU gëtt, esou d'EU-Kommissärin. D'EU misst dofir zesummenhalen a mat Litauen dofir suergen, datt d'Baussegrenz mat Belarus geschützt gëtt. D'EU-Agence Frontex huet hir Presenz am Land verstäerkt an ass elo mat iwwer 100 Leit op der Plaz fir ze hëllefen, d'Situatioun ze geréieren.

Irak stoppt Flich op Minsk

Déi meescht Migrante kommen aus dem Irak. Si wiere mat der Hëllef vun de belaruseschen Autoritéiten op d'Grenz dirigéiert ginn, sou de Reproche.

Bagdad hat den 12. August annoncéiert Flich op Minsk ze annuléieren an huet och eng 240 Migranten zeréck an den Irak geflunn. Si wieren Affer vu Schmuggler ginn, sou d'Duerstellung vun der irakescher Säit. D'EU huet déi an hiren Ae konstruktiv Approche vu Bagdad begréisst.

De Peter Stano, Porte-parole vun der EU-Kommissioun huet begréisst, datt den Irak sech bewosst wier, wéi wichteg dee Sujet fir d'EU ass. Et géif een hoffen, datt d'Situatioun en vue vun de Vollen tëschent Bagdad a Minsk sech géif stabiliséieren.

Weider Sanktioune géint Belarus

Och a Polen a Lettland si Migranten aus dem Nopeschland Belarus ukomm, a sinn deels och refuséiert ginn.

Wéi genee d'EU verhënnere wëllt, datt Minsk mat där Erpressungs-Strategie virufiert, ass net kloer. Déi 27 EU-Länner hu schonn decidéiert, weider Sanktioune géint Belarus op de Wee ze bréngen.

Sécher ass och, datt sech d'Länner prinzipiell net doriwwer eens sinn, wéi d'EU soll mat Migranten ëmgoe soll. Dat war nach bei där leschter Diskussioun Mëtt Juli iwwer de geplangte Migratiounspakt méi ewéi däitlech ginn.

Méi zum Thema

Belarus
International

Trotz internationaler Kritik a Belarus, sinn de Journalist Roman Protasevitch a seng Partnerin nach ëmmer an Detentioun. Si ware festgeholl ginn, andeems déi belarussesch Autoritéiten ee Passagéierfliiger zu enger Landung gezwongen haten.

207ba74f-709a-49dd-9e39-8dc400138447.jpg
EU-SOMMET

D'EU reagéiert op de gestoppte Fliger vu Ryanair mat neie Sanktioune géint Belarus. Ënner anerem soll den EU-Loftraum fir Airlinnen aus Belarus gespaart ginn. EU-Fluchgesellschafte ginn opgefuerdert, net iwwer Belarus ze fléien.

Net verpassen

Programm

  • Ligne 2

  • On air

    Notturno

  • Virum Dag vu 6 bis 10

  • Panorama

  • Virum Dag vu 6 bis 10

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen