Ekologesch Rotschléi fir den Autosfestival Et muss net ëmmer en Neie sinn!
Wann een en neien Auto keeft, soll een éischter e Bensiner wéi en Diesel wielen. En Elektroauto ass souwisou di besser Léisung. Dat sinn d'Rotschléi, déi den Oekozenter Pafendall fir den Autosfestival gëtt. Eng Autossteier op Déngschtween ass an hiren Aen ze begréissen.
D'Iddi vun enger Autossteier op Déngschtween - déi d'Ëmweltministesch Carole Dieschbourg viru kuerzem lancéiert hat - wier derwäert, dass een se ëmsetzt. Dat seet den Thierry Lagoda vum Oekozenter. An eisem Fuerpark wäre virun allem di nei Autoe geleast. Esou eng Autossteier kéint derzou bäidroen, de Fuerpark méi ekologesch ze maachen. Am Konkrete géifen da méi Autoe mat nidderegem Verbrauch gewielt ginn.
Elektroautoen: do ass méi dran!
"D'Elektromobilitéit huet insgesamt Startschwieregkeeten" seet den Thierry Lagoda. D'Präisser wieren nach ze héich: De Staat misst Verantwortung iwwerhuele fir méi Attraktivitéit ze schafen. Och op steierlechem Niveau sollten déi Autoe favoriséiert ginn. Datt d'Care Prime ofgeschaf gouf, bedauert den Thierry Lagoda. Schliisslech hunn d'Cliente sech domat d'Fro gestallt, op d'Uschafung vun esou engem Auto sech net awer kéint lounen. D'Regierung sollt préiwen, fir esou eng Prime nach emol anzeféiere seet den Thierry Lagoda
En Ale mécht et och
D'Lëtzebuerger kafen an de leschte Joeren net méi all 4 Joer en neien Auto. Si kucke sech och Occasiounen un. Den Oekozenter hofft, datt deen Trend esou weider gëtt. Wann een en neien Auto keeft, sollt een éischter fir e Bensiner optéieren am Plaz vun engem Diesel, ass e weidere Conseil. "Mir kennen nëmme Rekommandatioune maachen," seet den Thierry Lagoda. "An hoffen, datt d'Leit verstinn ëm wat et geet!".
Méi zum Thema
Ewech vun der "Tonn Blech"
D'Autosfuerer stoungen zejoert am Duerchschnëtt 34 Stonnen am Stau. Den Tram wäert dat verbesseren, seet den Direkter vum Verkéiersverbond.
Zeechent sech d'Enn vum "Tanktourismus" of?
Zënter knapp zwee Joer geet de Verkaf vu Bensin an Diesel zu Lëtzebuerg liicht mee erkennbar zréck. Firwat? Lount sech fir "Tanktouristen" iwwerhaapt nach den Ëmwee iwwert de Grand-Duché ?
Kommentar
COP21 - Eng Publikumsbeschimpfung
1968 haten 61 Prozent vun den Autoen zu Lëtzebuerg manner wéi 1,5 Liter Hubraum. Haut sinn et nëmme méi 22 Prozent. Zu Paräis kann nëmmen dat duerchgesat ginn, wat mir all bereet si matzedroen.
Kee VW-Skandal mee en Dieselgate!
Den Niveau vum kriibsereegende Stéckstoff an der Loft ass permanent ze héich. Dem Michel Cames no, ass déi läscht 20 Joeren an der EU just op Diesel gesat ginn.
