Enquête préliminaire géint OLAI-Mataarbechter
E Mataarbechter vum OLAI ass am Viséier vun enger enquête préliminaire, wéinst méigleche Verstéiss géint de Schutz vun der privat Sphär, an dem Dateschutz. Dat krute mer op Nofro hin vum Parquet vu Lëtzebuerg confirméiert. Am Zesummenhang mat der Enquête goufen och scho Saisië gemaach. Ob dat an de Bureaue vum OLAI oder beim Betraffenen doheem geschitt ass, gouf allerdéngs net präziséiert.
Den office luxembourgeois de l’accueil et de l’intégration war viru kuerzem negativ an d’Schlagzeile geroden, nodeems en externen Audit eng Rei Dysfunktionnementer am OLAI festgestallt hat.
