Nom Verloscht vun zwee Ënneroffizéier "Eng schwéier Zäit"

De Chef vum Deminage-Service vun der Arméi seet et, et wier eng "schwéier Zäit" gewiescht, nom Tëschefall de 14. Februar am Munitiouns-Depot um Waldhaff. Trotzdem huet d'Aarbecht vum Service musse virugoen, seet de Kapitän François U. iwwer säi perséinlechen Ëmgang mat deem, wat viru gutt siwe Méint geschitt ass.

Serge Kesseler / cz

François U., Chef vum Deminage-Service vun der Arméi
De François U. ass Chef vum Deminage-Service vun der Arméi

Et géif ee sech natierlech vill Gedanke maachen, seet de Chef vun der Equipe. Hie selwer hätt wëlle sou séier wéi méiglech erëm ufänke mat schaffen "fir dat eben iergendwéi ze verdauen an ze verkraaften a weider schaffen ze kënnen".

Nom Dout vun den zwee Ënneroffizéier hätt den Deminage-Service "gutt Ënnerstëtzung" kritt; souwuel vun der Arméi, wéi och psychologesch Ënnerstëtzung "déi mir gebraucht hu fir eben erëm kënnen normal weider ze schaffen, fir erëm unzekommen".

Hëllef vun der belscher Arméi

Personell verstäerkt gëtt den Deminage-Service och iwwer en halleft Joer nom Tëschefall nach ëmmer vun der belscher Arméi. Momentan misst een zu véier Leit d'Permanencen iwwer dat ganzt Joer assuréieren. Déi belsch Kolleege géifen zanter Februar plus minus eng Woch pro Mount iwwerhuelen.

Fir déi verstuerwen Aarbechtskolleegen ze ersetze wier natierlech ganz schwiereg, well si vill Jore Missiounserfarung am In- an Ausland haten, erkläert de Chef vum Deminage-Service. Et wier geplangt, zwee Leit an d'Ausbildung als Demineur ze schécken. Dës Leit sollen d'nächst Joer mat der Basisformatioun fäerdeg ginn.

D'Erënnerung un déi Verstuerwe wakreg halen

Pro Joer mécht den Deminage-Service vun der Arméi 300 bis 350 Asätz hei am Land. De Service këmmert sech ëm all Typpe vu Munitioun aus den zwee Weltkricher an och ëm méi "méi modern Saachen". D'Prozedure géife vun der Zort vun der Munitioun ofhänken, seet de Kapitän François U.

Nom déidlechen Tëschefall de 14. Februar wieren d'Prozeduren nach emol iwwerschafft ginn. "Mir mussen natierlech och elo kucken, wat bei der Enquête erauskënnt schlussendlech, an da musse mir natierlech och erëm adaptéieren, dat ass ganz normal an dat gëtt och permanent an esou engem Service gemaacht", sou de Chef vum Service.

Fir un déi zwee Ënneroffizéier vum Deminage-Service an un aner verstuerwen Arméi-Memberen ze erënneren, war de Méindeg de Moien um Härebierg eng Zeremonie mat Éieregäscht, bei där eng commemorativ Plack inauguréiert gëtt.

"Dat ass natierlech ganz wichteg. Et ass einfach gutt ze gesinn, datt eppes fir eis Kolleegen do gemaach gëtt, datt dat valoriséiert gëtt, an datt déi Leit nach ëmmer an Erënnerung behale ginn, déi dat eben och fir hiert Land gemaach hunn."

An der Mediathéik:

Aktuelles / / Serge Kesseler
Lauschteren

Méi zum Thema

PK no Tornado
No Tornado am Süde vu Lëtzebuerg

De Plan intemperies gouf declenchéiert fir finanziell Hëllef séierst méiglech kënne fräizesetzen. Weider Prioritéite sinn d'Securisatioun vun den Haiser an den Héichspannungsleitungen, sou den Direkter vum CGDIS.

Christian Schleck SPAL
Lëtzebuerger Arméi

Um Härebierg feelt et un Zaldoten, seet de Christian Schleck. An der einfacher Zaldotecarrière géife 40 Prozent méi Personal gebraucht ginn, mee och an de méi héije Carrière feelt et u Leit.

François Bausch
Police an Arméi

De François Bausch wëllt d'Carrièrë bei Arméi a Police méi bekannt maachen, fir Rekrutementsproblemer entgéint ze wierken. Hie schléisst och d'Ouverture fir Net-Lëtzebuerger ënner Konditiounen net aus.

Lëtzebuerger Zaldot an Afghanistan
NATO-Missioun

D'Bedeelegung un der NATO-Missioun fir d'Formatioun an d'Ënnerstëtzung vun den afghanesche Sécherheetsforcë soll bis 2020 verlängert ginn. Lëtzebuerg schéckt och en zweete Mann an Afghanistan.

Programm

  • Noriichten

  • On air

    Ligne 2

  • Notturno

  • Virum Dag

  • Moies-Magazin

Praktesch Infoen

  • Nei Serie: Wellbeing

    Wellbeing

    Bleift gesond a monter zesumme mam 100,7. An eiser neier Serie "Wellbeing" wëlle mir Iech an dësen Zäite mat wäertvollen Informatiounen a Rotschléi begleeden. 

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen