Flüchtlingen Éischt Flüchtlingsfamillen zu Ettelbréck ukomm

Wéinst der Flüchtlingskris goufe verschidde Site fir den Accueil vun Asyldemandeure provisoresch ëmfunktionéiert, dat gëllt fir d'Maternité, d'Logopädie an eben och fir d'Annexe vum Ettelbrécker CHNP. D'Caritas ass ënnert anerem zoustänneg fir de Suivi vum Foyer vun Ettelbréck, wou déi éischt Famillen empfaange goufen. 

ettelbréck.jpg
De Refectoire vun der Annex vum CHNP zu Ettelbréck (©Caritas)
Mëttelfristeg sollen am ganzen 200 Asyldemandeuren zu Ettelbréck ënnerkommen an also bei déi zwou Famillen derbäi komm, déi lo ukomm sinn. Eng Equipe vun Educateuren, Iwwersetzer a Psychologe soll sech op der Plaz em den Encadrement vun de Leit këmmeren, erkläert den Yves Schmidt vun der Caritas, déi fir de Suivi zoustänneg ass. Fir d'Kanner si Schoulklasse vu Precoce a Grondschoul um Site virgesinn. Vun zwielef Joer un ginn d'Kanner an d'Classe d'accueil vum Dikrecher Lycée. Déi ganz Struktur ass bis Mëtt 2016 fräi an ass fir Famillen, Fraen a Mannerjäreger geduecht.

E Gebai geet net duer

Déi alternativ an nach provisoresch Gebaier ewéi zu Ettelbréck sinn néideg, well d'Strukture vum OLAI, mat 2.400 Plazen, net méi duergi fir d'Asyldemandeuren, déi bannent kuerzer Zäit ukomm sinn, ënner Daach ze kréien. Mee ee Gebai geet net duer – wichteg ass och den Encadrement vun de Flüchtlingen, déi dacks Kanner bei sech hunn, seet den Yves Schmidt. An de Conventioune mam OLAI, dem Office d'accueil et d'intégration, ass jo och virgesinn datt ee ganze soziale Suivi garantéiert gëtt.

Ee Besoin gëtt et zu Ettelbréck weiderhi fir Persounen ze fannen déi Sproochecourse fir Erwuessener kéinten ubidden. Wéinst de sproochleche Schwieregkeeten intervenéieren de Moment Iwwersetzer op der Plaz, ënner anerem och mat de Nopere rondrëm.

AUDIO

De Bäitrag vum Carole Schimmer

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen