Naturkatastroph Ee Joer nom Tornado

E Sonndeg gëtt et e Joer, datt en Tornado virun allem an de Gemenge Käerjeng a Péiteng grousse Materialschued ugeriicht huet. "Haut hu mir en Noutfallplang am Tirang, fir wa sech esou eng Situatioun géif widderhuelen", seet de Péitenger CSV-Buergermeeschter Pierre Mellina.

Maurice Molitor (Interview) / Claude Biver (Web)

Pierre Mellina
De Pierre Mellina (CSV) ass Buergermeeschter vu Péiteng

Virun engem Joer nach, gouf et keen Noutfallplang - et huet misse séier reagéiert ginn. Et wier e Wonner, datt deemools kee Mënsch zu Schued komm ass, esou de Pierre Mellina. De Materialschued ass esou weit gefléckt, och wann d'Suen nach net all verdeelt sinn.

Spende goufen nach net all verdeelt

Déi eng Millioun Euro, déi privat gesammelt goufen, sinn nach net ganz ënner de Leit verdeelt ginn, seet de Pierre Mellina. Momentan wiere 650.000 Euro verdeelt ginn, mee et géifen nach eng Rei Dossiere ginn, déi nach net ofgeschloss sinn.

D'Familljeministerin Corinne Cahen hätt dem Péitenger Buergermeeschter viru kuerzem confirméiert, datt nach aacht Dossieren nach traitéiert misste ginn, hei misst een nach op verschidde Pièce waarden. 36 Dossiere géifen nach op der Gemeng leien. "Wann déi ofgeschloss sinn, da wäerte mer ongeféier 975.000 Euro verdeelt hunn", esou de Pierre Mellina.

De Buergermeeschter vu Péiteng geet dovunner aus, datt d'Leit d'Schied vum Stuerm da bezuelt hätten, ausser wa si hire Schued net gemellt hunn. Déi Solidaritéit ënner de Gemengen an ënner de Bierger wier awer eng grouss Hëllef gewiescht, seet de Pierre Mellina. Alles an allem gouf eng Millioun Euro gesammelt. "Dat ass scho ganz vill gewiescht."

All d'Haiser kënne restauréiert ginn

An der Gemeng Péiteng waren nom Tornado 30 Haiser guer net méi bewunnbar. Si sinn ëmmer nach laang all gefléckt: eréischt sechs wieren der erëm bewunnbar, seet de Buergermeeschter vu Péiteng. Bei siwe wieren nach Transformatioune gemaach ginn, an anerer kruten duerch d'Corona-Kris Retard.

Alleguer d'Haiser kéinten awer restauréiert ginn, bis op ee Gemengenhaus, mee dat hätt ee souwisou wéilten ofrappen. "Mir wollten do net méi investéieren, ier mer en neie Projet op där Plaz maachen", preziséiert de Pierre Mellina.

An der Mediathéik:

Invité vum Dag / / Maurice Molitor
Lauschteren

Méi zum Thema

Käerjenger Treff
Erfarungsbericht

Den André Dooms ass ee vun den Affer vum Passage vum Tornado zu Péiteng an zu Käerjeng. De Pensionnaire gouf an engem Hotel zu Péiteng noutlogéiert. Véier Méint méi spéit lieft den André Dooms ëmmer nach am Hotel.

CGDIS Tornado Reunioun.jpg
Nom Tornado

D'Koordinatioun vum nationale Rettungscorps wier nom Tornado e Freideg bis elo generell gutt verlaf. Dat seet de Koordinator vum CGDIS. Gëschter wier de Gros vum CGDIS-dispositif nom Tornado ofgeriicht ginn.

Net verpassen

  • 16.10. Riicht eraus - Bleift d'Kierch am Duerf?

    Riicht Eraus_Beift Kierch am Duerf 2.jpg

    Wéi kënnen an däerfen entweite Kierchen nach gebraucht ginn? Et diskutéieren d'Architektin Sala Makumbundu, de Kierchenexpert A. Langini, de G. Kieffer vum Bistum, an den R. Mangen, Schäffen Déifferdeng.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen