Däitschland D'Fro vum haarde Lockdown

Déi däitsch Bundeslänner ajustéieren hir Corona-Mesuren. Et gëtt ëmmer méi evident, datt de sougenannten November-Shutdown praktesch keng Auswierkungen op d'Infektiounszuelen hat. Elo gëtt iwwer en en haarde Lockdown diskutéiert - allerdéngs eréischt fir no Chrëschtdag.

Matthias Kirsch / tt

Shoppingzenter um Limbecker Platz
De Lockdown an Däitschland soll eréischt no Chrëschtdag kommen. copyright: picture alliance/dpa

Haut de Moien huet d'Robert-Koch-Institut en traurege Corona-Rekord gemellt. An de leschte 24 Stonne sinn an Däitschland 590 Mënschen u Covid-19 gestuerwen. D'Corona-Situatioun an Däitschland leeft an dësen Deeg, sou huet en d'Gefill, e bëssen aus dem Rudder.

Zanter méi wéi fënnef Wochen ass d'Land elo nees an engem Shutdown, zanter Ufank Dezember gëllen Däitschland-wäit verschäerfte Reegelen. An trotzdeem ginn d'Infektiounszuelen net erof, si leie weider bei ronn 20.000 Neiinfektiounen den Dag.

"D'Land zur Rou bréngen"

Dowéinst gëtt elo nees iwwer en haarden, e wierkleche Lockdown diskutéiert: Geschäfter a Schoulen zou, Alkoholverbuet an der Ëffentlechkeet, eng wierklech Kontaktbeschränkung op eng oder zwou Persounen. D'Bundesland Sachsen, an deem d'Infektiounszuelen am Moment besonnesch héich sinn, huet gëschter virgeluecht.

"Mir mussen dëst Land zur Rou bréngen, d'Beweegungen aschränken. An dowéinst kommen dës aus menger Siicht aschneidend Mesuren", sot de sächsesche Ministerpresident Michael Kretschmer, CDU, gëschter. Säi Bundesland mécht vun e Méindeg un a bis den 10. Januar dicht, d'Crèchen, Schoulen a Geschäfter sinn zou, an och iwwer d'Feierdeeg gëtt net gelackert.

Lauschtert d'Politik elo op d'Wëssenschaft?

Och eng Rei aner Bundeslänner wëlle reajustéieren. Ausléiser dofir ass niewent de weider héijen Zuelen och en Opruff vun der Leopoldina, der Nationaler Akademie vun der Wëssenschaft. E Grupp vun 28 Wëssenschaftler, dorënner d'Virologe Sandra Ciesek a Christian Drosten, wéi och den RKI-Chef Lothar Wieler, huet däitlech gemaach, datt déi aktuell Mesuren net duerginn.

An d'Politik schéngt dorop ze lauschteren. Gëschter hunn op eemol eng ganz Rei Politiker annoncéiert, elo awer en Faveur vun engem méi haarde Lockdown ze sinn. Sou sot d'Angela Merkel haut de Moien am Bundestag: "Wann d'Wëssenschaft eis praktesch imploréiert, da sollte mir villäicht kucken, ob et net awer méiglech ass, d'Vakanz amplaz vum 19. Dezember schonn de 16. ufänken ze loossen."

Chrëschtshopping soll net ausfalen

De Problem: de Konsens schéngt ze sinn, datt eréischt no Chrëschtdag soll zougemaach ginn. Déi zwou Woche bis dohi leien deementspriechend nees an der Verantwortung vun de Leit. Eng wierklech Argumentatioun dofir gëtt et net, et wëllt e wuel dem Handel net d'Chrëschtdagsgeschäft futti maachen.

Datt dee Wee awer net zu enger Reduktioun vun den Infektiounszuelen, an a Konsequenz zu enger Reduktioun vun Intensivpatienten an Doudesfäll, féiert, dat hunn déi lescht fënnef Woche gewisen.

An der Mediathéik:

Aktuelles / / Matthias Kirsch
Lauschteren

Méi zum Thema

Berlin
Däitschland

An Däitschland gëtt et e Shutdown light. Déi däitsch Regierung wëllt betraffe Betriber an Independante mat Subventiounen hëllefen. Vill reagéieren dorop mat Kritik a kloe viru Geriicht.

Merkel
Däitschland

Wéi vill Muecht sollt d'Regierung an der Pandemie hunn? A wéi vill e Parlament? Dësen Debat gëtt am Moment net nëmmen hei zu Lëtzebuerg geféiert, mee och an Däitschland.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen