Decisiv Preparatiounsphas fir de Lëtzebuerger Militärsatellit
Enn 2017 soll de Lëtzebuerger Militärsatellit lancéiert ginn. Mat deem Projet – eng Joint-Venture tëscht der Regierung an dem Satellittebedreiwer SES – ass d’Zil verbonn, de Lëtzebuerger Bäitrag fir d’Militärallianz NATO an d’Lut ze setzen.
De Militärsatellit ass awer net nëmme fir Defense-Zwecker geduecht, erklärt de Patrick Biewer, deen zanter zwee Méint Generaldirekter vu LuxGovSat ass, am 100,7-Interview. Nieft dem militäresche Volet wär de sécherheetstechnesche Volet ganz wichteg. Geplangt ass also och, kommerziell Applikatiounen unzebidden. E “Kompromëss”, deen de Patrick Biewer als eng wichteg Innovatioun gesäit.
De Moment ass de Militärsatellit nach an der Planungsphas: seng Finalitéite mussen genau definéiert ginn, an da steet de Bau vum Satellit selwer an och vun de Buedeminfrastrukturen nach un.
Iwwert den Zäitplang, d’Zilgrupp an den Ausbaupotenzial vum Lëtzebuerger Militärsatellit huet de Jean-Claude Franck mam Patrick Biewer geschwat.
Lauschtert de ganzen Interview:
