Décisioun fir "Cargolux China" am Januar?
De Verwaltungsrot vun der Cargolux huet nach keng Décisioun geholl iwwer d’Grënne vun enger neier Airline a China. Eisen Informatiounen no ass virgëscht just eng Presentatioun vun der Faisabilitéitsetude gemaach ginn. De Bureau Roland Berger huet fir den Ufank eng Flott vun dräi Fliger virgeschloen. De chinesesche Co-Aktionär HNCA huet sech nach eng Kéier fir eng Joint-Venture mat der Cargolux ausgeschwat. Eng Décisioun gëtt fréistens am Januar geholl wann de Verwaltungsrot fir d’nächst zesumme kënnt. Ze kläre bleift wéi séier Cargolux China ka rentabel ginn.
Den Direkter Dirk Reich soll iwwerdeems vum Verwaltungsrot op d’Plaz gesat gi si, well de Conseil an der Lescht verschidden Informatiounen iwwer d’Press krut amplaz iwwer d’Firma selwer.
