Verstéiss géint d'Parteiefinanzéierungsgesetz De Marc Goergen erwaart sech keng finanziell Problemer fir d'Partei

De Marc Goergen rechent domat, datt d'Piratepartei dem Staat ronn 10.000 Euro fir d'Joer 2018 muss zeréck iwwerweisen. Dat wéinst méigleche Verstéiss géint d'Parteiefinanzéierungsgesetz. Dës Zomm wier net dramatesch, a si géif d'Partei net a finanziell Problemer bréngen, sou den Deputéierten a Parteikoordinator vun der Piratepartei.

Serge Kesseler (Interview) / Chris Zeien (Web)

Marc Goergen
De Marc Goergen gouf als Koordinator vun der Piratepartei erëmgewielt

De Rechnungshaff hat am Januar Verstéiss vun der Piratepartei géint d'Parteie-Finanzéierungsgesetz festgestallt. D'Budgetskontrollkommissioun an der Chamber hat decidéiert, den Dossier un de Parquet virunzeginn. D'Tresorière vun der Partei hat sech um Kongress e Samschdeg bei de Membere fir den "Chaos an der Comptabilitéit" entschëllegt.

De Marc Goergen widderhëlt, datt seng Partei d'Analys vum Rechnungshaff net géif deelen. D'Partei hätt enger Fiduciaire vertraut an de Bilan dono net gestëmmt.

M. Goergen iwwer Groupe technique mat der ADR: "Ech géif et net méi maachen [...]"

Et wier eng falsch Entscheedung gewiescht, fir an der Chamber an engem technesche Grupp mat der ADR zesummenzeschaffen, esou de Marc Goergen. D'Piratepartei hat um Krautmaart an engem technesche Grupp mat der ADR zesummegeschafft, fir vun enger Rei Virdeeler ze profitéieren. Déi Zesummenaarbecht war ëmstridden, a si gouf rezent opgeléist. Et hätt ee selwer mat der Entscheedung ze kämpfe gehat, esou de Marc Goergen.

"Wa mir haut nach eng Kéier virdru wären, géinge mir en och net méi agoen. Mir hunn ënnerschat, datt net verstane ginn ass, wat e Groupe technique ass. [...] Et war onglécklech. Ech géif et net méi maachen. [...]"

D'Wierkung vum Groupe technique mat der ADR ënnerschat

Datt et an der Ëffentlechkeet esou verstane gi wier, wéi wann d'Piratepartei mat der ADR politesch géif zesummeschaffen, wier warscheinlech e Feeler gewiescht, deen een ënnerschat hätt, esou nach de Marc Goergen.

Hie géif déi deemoleg Entscheedung mat veräntwerten, mécht awer och seng relativ geréng Erfarung als neien Deputéierte mat dofir verantwortlech. De Marc Goergen betount, datt déi zwee Chamberdeputéiert vun der Piratepartei zu kengem Zäitpunkt inhaltlech mat der ADR zesummegeschafft hätten. D'ADR an d'Piratepartei hätten duerch de Groupe technique just vu méi Riedezäit am Chamberplenum profitéiert.

"Als kleng Partei huet een an der Chamber net vill Riedezäit. A wann een d'Méiglechkeet kritt an engem Groupe technique seng Iddien dobausse besser kënnen ze presentéieren, dat war fir eis du logesch. Datt dat natierlech dobaussen herno sou verstane gëtt, wéi wann ee mam ADR politesch géif zesummeschaffen, dat war warscheinlech de Feeler, dee mir ënnerschat hunn."

An der Mediathéik:

Invité vum Dag / / Serge Kesseler
Lauschteren

Méi zum Thema

Suen
Parteiefinanzéierung

D'Piratepartei riskéiert een Deel vun der staatlecher Walkampfënnerstëtzung mussen zeréckzebezuelen. Ee Kandidat aus dem Osten hätt 30.000 Euro aus eegener Täsch an de Walkampf investéiert, erkläert d'Diane Adehm.

Angelika Dasbach / Marc Goergen
Parteibündnis

D'PID trennt sech vun de Piraten. Grond wieren ënner anerem eng chaotesch Virgoensweis an intern Streidereien an der Piratepartei. D'Ukënnegung wier iwwerraschend fir d'Pirate komm.

Marc Goergen
National Politik

D'Piratepartei fënnt keen Ersatz fir den aktuelle Partei-Coordinateur Marc Goergen ze ersetzen. Obwuel hie gär vum Posten demissionnéiere géif, misst hie weidermaachen, well bis elo kee Parteimember sech manifestéiert hätt.

Marc Goergen Exklusiv
Personell Ännerungen an der Piratepartei

An der Piratepartei kënnege sech personell Ännerungen un. 100,7-Informatiounen no huet den Deputéierte Marc Goergen senge Parteikolleegen offréiert no den Europawahle säi Posten als Koordinator opzeginn.

Sven Clement
Accord Piratepartei-ADR

De President vun der Piratepartei steet hanner der Entscheedung, e Groupe technique mat der ADR ze maachen. De Sven Clement seet awer, datt een den emotionalen Aspekt vun der Entscheedung ënnerschat hätt.

Gast Gibéryen - Sven Clement
Chamberwahlen 2018

D'ADR an d'Piratepartei wëlle fir déi nächst fënnef Joer een technesche Grupp forméieren. Et géif dorëm goen, d'Aarbecht an der Chamber ze optiméieren. Politesch Zesummenaarbecht soll et awer keng ginn.

Parteifinanzéierung
Chamberwahlen 2018

D'Parteie sollen an Zukunft d'Wahlkampfkäschte fir d'Chamber- a fir d'Europawahle separat rembourséiert kréien. Eng entspriechend Gesetzespropositioun gouf deposéiert. D'Montante bleiwen awer déi selwecht.

Programm

  • Notturno

  • On air

    Notturno

  • Samschdes-Magazin

  • Noriichten

  • Grousse Kino

Net verpassen

Dossieren

  • Berlinale 2020

    D'Berlinale feiert dëst Joer hire 70. Gebuertsdag ënner den neien Direktere Carlo Chatrian a Mariette Rissenbeek. D'Sarah Peppin an den Tom Dockal si fir eis op der Plaz.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen