Maggy Nagel "De la terre jusqu'aux étoiles"

D'Maggy Nagel geet net méi mat a Walen. Déi fréier DP Ministerin wëll keng Aussoe maachen iwwert d'Ursaache vun hirem Récktrëtt virun engem Joer aus der Regierung. Mat der Politik wär et ganz eriwwer, esou d’Maggy Nagel. Zanter Uganks vum Joer ass si éischte Regierungsrot am Wirtschaftsministère. Als Lëtzebuerger Kommissärin ass d'Maggy Nagel zoustänneg fir d’Weltausstellung 2020 zu Dubai.

Mick Entringer / ys

Maggy Nagel
Maggy Nagel (Foto: Archiv)

D'Maggy Nagel wëll hir politesch Vergaangenheet net méi kommentéieren. Domadder hätt si ofgeschloss, seet déi fréier DP-Ministerin fir Kultur a Logement.

Politik: Keng Ressentimenter

"Ech sinn an der DP, an do wäert ech och bleiwen. Mee ech huele keng aner Funktiounen un." Si wier ee Mënsch, deen net zréck géif denken, mee ee Mënsch, dee vun Dag zu Dag géif liewen. Hiren Dossier wier elo "Dubai". Bis am Abrëll 2021, wann d'Weltausstellung zu Dubai hir Dieren zoumécht. Si wier elo genee sou begeeschtert wéi virdru fir hir politesch Dossieren.

Si hätt keng Ressentimenter méi géigeniwwer hirer politescher Vergaangenheet an dem Récktrëtt aus der Regierung. "Ech sinn een optimistesche Mënsch, an ech gleewen un d'Guttheet bei de Mënschen", seet d'Maggy Nagel. An all hire Funktioune wou si gewielt gi wier hätt si hir Responsabilitéit geholl. An och am Dossier Dubai wäert dat hirer Meenung no de Fall sinn.

D'nächst Joer kritt d'Lëtzebuerger Kommissärin fir d'Weltausstellung 60 Joer. Si géif awer net a Pensioun goen, an hir Missioun bis zum Schluss ausféieren.

Dubai: ee Lëtzebuerger Pavillon mat Konzept

De Lëtzebuerger Bäitrag fir Dubai soll nohalteg, zukunftsorientéiert, solidarwirtschaftlech, zirkulär a recyclabel sinn. "Resourceful Luxembourg" ass de Motto vum geplangte Lëtzebuerger Pavillon. "Wou kënnt Lëtzebuerg hir, wat fir Ressourcen hate mir, wou si mir elo am Moment, a wou wëlle mir hin?", seet d’Kommissärin. "De la terre jusqu’aux étoiles..."

Bis si d'Mandat iwwerholl huet, wierr keng Evaluatioun gemaach ginn iwwert déi viregt Weltausstellung zu Shanghai, bei där Lëtzebuerg 2010 matgemaach hat. Dat géif elo geschéien, a si wéilt déi Evaluatioun duerno och public maachen, seet d'Maggy Nagel.

D'Vereent Arabesch Emiraten wieren een innovatiivt, oppent an tolerant Land. Dat oppenst Land an där Regioun, seet déi fréier DP-Politikerin. Fraen hätten eng wichteg Roll, och a féierende Positiounen. Op d'Fro ob et si géing stéieren, datt d'Vereenegt Arabesch Emiraten keng Demokratie sinn, an datt Parteien a Gewerkschafte verbuede sinn, seet d'Maggy Nagel: Nee. Dat wier do ënne keen Thema.

An der Mediathéik:

Invité:e vum Dag / /
Lauschteren

Méi zum Thema

Jean-Claude Franck Kommentar
Regierungsembildung

De Récktrëtt vun der Ministesch Maggy Nagel huet net just op hir Schwächten higewisen, mä och op déi vun hirer Partei. D'DP huet eis eppes virgemaach, amplaz fir Kloerheet ze suergen.

x-bettel-g-arend.jpg
Regierungsëmbildung no Récktrëtt Maggy Nagel

Déi ëmstridde Ministerin Maggy Nagel ass zeréckgetrueden. De Walfer Député-Maire Guy Arendt (DP) gëtt als Staatssekretär neie Regierungsmember fir de Xavier Bëttel am Kulturministère z'ënnerstëtzen.

Net verpassen

Programm

  • Panorama

  • On air

    Notturno

  • Notturno

  • De Moien

  • Noriichten

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen