No Kriticke vum Rechnungshaff D'Gesetz vum Filmfong soll geännert ginn

Zwou an eng hallef Stonne laang huet déi parlamentaresch Budgetskontrollkommissioun sech de Méindeg Mëtteg mat de Responsabele vum Filmfong - dem Direkter Guy Daleiden an der Presidentin Michèle Bram - iwwer de Rapport vun der Cour des Comptes ausgetosch. De Rechnungshaff hat doran eng Rei Kriticke formuléiert, an haaptsächlech déi (a sengen Aen) ze staark Positioun vum Direkter a Fro gestallt.

Maurice Molitor / cz

Guy Daleiden
Foto: Archiv

Lauschteren


Et wier ganz normal, datt d'Deputéiert sech an Zesummenhang mat deem Rapport Froe gestallt hätten. A grad esou normal wier et, datt hien drop äntwere géif, sot de Guy Daleiden no der Reunioun.

"Et ass jo keng Geriichtsverhandlung gewierscht, an ech gi jo net dervun aus, dass eis Lëtzebuerger Deputéiert à charge vun engem Beamten oder senger Administratioun funktionéieren."

Nach ass et esou, datt d'Cour des Comptes net alles richteg fënnt, wat am Filmfong gelaf ass.

Dofir wier ee sech och eens ginn, datt dat aktuellt Gesetz misst ëmgeännert an nogebessert ginn, sou d'Presidentin vun der Budgetskontrollkommissioun Diane Adehm (CSV). Den LSAP-Deputéierten Dan Kersch huet d'Eenegkeet tëscht Majoritéit an Oppositioun an deem Punkt confirméiert. Vertraue wier gutt, Kontroll wier besser. Hie wier zefridden, datt schonn un Ännerunge geschafft géif ginn.

D'Oppositioun fuerdert séier Ännerungen

Dat hat de Medieminister Xavier Bettel rezent an der Äntwert op eng parlamentaresch Fro geschriwwen. D'Kommissioun géif elo och gär vum Mediëminister wëssen, wou hie konkret mam Projet de loi dru wier, seet d'Diane Adehm. Déi néideg Adaptatioune missten elo séier kënne gemaach ginn, och well d'Gesetz "net riseg" wier.

D'Diane Adehm geet dovun aus, datt et wuel awer Januar gëtt, bis déi Reunioun mam Xavier Bettel zustane kënnt.

Méi zum Thema

Filmfong Riicht eraus
Riicht eraus

Méi wéi zwee Drëttel vun de staatleche Subventioune fir de Filmsecteur fir 2018 si scho verdeelt. D'Lëtzebuerger Filmproduzenten hunn Angscht, datt d'Projete mussen op Äis geluecht, oder souguer annuléiert ginn.

Laurent-Loschetter.jpg
Medien

De Laurent Loschetter ass neie President vum Verwaltungsrot vum radio 100,7. D'Propos vum Xavier Bettel gouf e Freideg am Regierungsrot ugeholl. Am Verwaltungsrot gëtt et och nach e weidert Changement.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen