Tornado zu Lëtzebuerg D'Gehir brauch Zäit, fir Saachen ze verschaffen

Datt Leit, déi den Tornado vum 9. August erlieft hunn, an den éischten Deeg Albdreem hunn, schlecht schlofen oder soss eng Reaktioun weisen, wier ganz normal, seet de Psycholog a Psychotherapeut Andreas Hück.

Maurice Molitor / cbi

Andreas Bücker
De Psycholog a Psychotherapeut Andreas Hück

An enger éischter Zäit wier et normal, dovunner ze dreemen, drun ze denken oder mat den Noperen doriwwer ze schwätzen. Esou hätt d'Gehir d'Méiglechkeet, d'Saachen esou ze verschaffen, "fir se an de 'richtegen Tirang' vum Gehir ze kréien", esou datt een net direkt getriggert gëtt, wann een drun denkt.

Wann déi Reaktiounen awer sechs bis aacht Wochen nom Evenement nach ëmmer net verschwonne sinn, da sollt ee sech hëllefe loossen, seet den Andreas Hück:

"Wann ech awer mierken: et bleiwen nach Reschter, zum Beispill de Gedanke "Wat ass déi nächst Kéier, wann esou eppes geschitt?" an da komme vläicht Ängschten a Panik, an dat dauert un - an zwar mir soen ongeféier sechs bis aacht Wochen. Spéitstens no aacht Woche géife mir éischter vun engem Symptom schwätzen, an da géife mir soen: "Do kënne mir ënnerstëtzen!"

Uspriechpartner kann an deem Fall de Groupe permanent d'encadrement psycho-traumatologique (GPEPT) sinn: dat ass keng permanent Ariichtung, mee eng Cellule, déi ëmmer da vum Familljeministère aktivéiert gëtt, wann am Land e grousst Ongléck geschitt.

Net jiddwereen ass traumatiséiert

Wat d'Terminologie ubelaangt, war et dem Andreas Hück wichteg ze präziséieren, datt ee vu "Folge vun engem traumateschen Ereegnes" schwätzt. "Dat ass eppes anescht wéi en Trauma, dat heescht, wat déi Leit entwéckele sinn héchstens Folgen dovunner."

Net jiddweree wier traumatiséiert, wann en eppes Traumatesches erlieft hätt. "Dat ass nëmmen eng Minoritéit, ongeféier 30 Prozent", seet den Andreas Hück.

Erlieftes kollektiv verschaffen

Datt vill Leit dat selwecht erlieft hunn, ass nëtzlech beim Verschaffe vun den Andréck, seet den Andreas Hück:

"Absolut. Et gëtt Fuerschung iwwer d'Folge vum 3. Reich, iwwer d'Juddeverfolgung, wat do och erauskoum, ass tatsächlech, datt déi Mënschen dat vill besser bewältegt hunn, déi wëssen: ech sinn net deen Eenzegen, dee betraff ass. Dat schéngt eppes ze sinn, wat Halt gëtt, wat eng Orientéierung gëtt, a wat och stabiliséiert. Och an der AIDS-Epidemie hu mir dat erlieft, datt do plëtzlech eng Solidaritéit entstanen ass, och ënnereneen an deene verschiddene Subkulturen, wat immens gedroen huet, a wat d'Mënsche wierklech konnt opfänken."

An der Mediathéik:

Invité:e vum Dag / / Maurice Molitor
Lauschteren

Méi zum Thema

CGDIS Tornado Reunioun.jpg
Nom Tornado

D'Koordinatioun vum nationale Rettungscorps wier nom Tornado e Freideg bis elo generell gutt verlaf. Dat seet de Koordinator vum CGDIS. Gëschter wier de Gros vum CGDIS-dispositif nom Tornado ofgeriicht ginn.

Tornado CGDIS twitter
Wiederkatastroph

Och nom Weekend stinn déi Betraffe vum Tornado zu Käerjeng a Péiteng nach ëmmer virun enger Partie Erausfuerderungen. D'Françoise Keller war op der Plaz an huet mat Betraffenen iwwer hir Andréck nom Tornado geschwat.

Update 18h 3
Schwéier Stierm am Süde vu Lëtzebuerg

D'Regierung kënnt um 8 Auer zesumme fir iwwer Direkthëllefen an iwwer déi nächst Mesuren ze decidéieren, fir de Betraffenen ze hëllefen. Direkt nom Regierungsrot géif d'Press iwwer déi weider Mesuren informéiert ginn, sou de Xavier Bettel.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen