Stengefort Containerduerf "op illegale Féiss"

D'Verwaltungsgeriicht huet den Awunner vu Sténgefort Recht ginn, déi géint d'Autorisatioun fir ee Containerduerf fir Flüchtlinge geklot haten. Eng Biergerinitiativ hat Recours géint eng Decisioun vum Nohaltegkeets- an Infrastrukurminister François Bausch virum Verwaltungsgeriicht agereecht. De François Bausch hat décidéiert, keng déifgräifend Ëmweltetude vum Site duerchzeféieren.

Françoise Keller / ys

schwaarz Kaz am Containerduerf
Foto: picture alliance / Jan Woitas

De Projet vum geplangtene Containerduerf zu Sténgefort géif "op illegale Féiss stoen", seet de Joé Lemmer, President vun der Biergerinitiativ "Keen Containerduerf am Duerf". Déi hat am Kader vum geplangte Containerduerf fir Asyl-Demandeuren eng déifgräifend Ëmwelt-Etude vum Site gefuedert. D'Regierung huet awer vun esou enger Etude ofgesinn.

Duerch de Projet wiere Flanterméis menacéiert. Donieft wier de Buedem um Site verseucht, sou de Joé Lemmer.

D'Verwaltungsgeriicht huet a sengem Uerteel vum 7. September der Biergerinitiativ domat Recht ginn, datt esou eng Etude hätt misste realiséiert ginn. Déi concernéiert ministeriell Decisioun wier dem Verwaltungsgeriicht no eng "erreur manifeste d'appréciation".

D'Regierung hätt dëst Uerteel awer net ofgewaart, esou de Joé Lemmer. D'Reglement iwwer d'Containduerf wier an der Summerpaus ugeholl ginn.

Regierung respektéiert Uerteel

Et ass deemno d’Fuerderung vun der Biergerinitiativ un den zoustännege Minister an un d’Regierung fir vum Projet Containerduerf zu Sténgefort of ze gesinn. De Nohaltegkeets-an Infrastrukur Minister François Bausch soot op Nofro, hie wéilt dat concernéiert Uerteel mat senge Leit zesumme liesen an analyséieren. D'Regierung géif sech dem Uerteel vum Geriicht beugen an et respektéieren. Wat mam Site Stengefort géif geschéien, géif en Donneschdeg am Regierungsrot diskutéiert ginn, sou de François Bausch weider.

Schon am Summer dëst Joer hätt dat geplangte Containerduerf kéinte fäerdeg sinn. Duerch d'Uerteel vum Verwaltungsgeriicht kéint dëse Projet elo awer a Fro gestallt ginn.

Bäitrag vum Françoise Keller 13.09.2016

Méi zum Thema

Catia Santi
Flüchtlingen

Trotz guddem Wëlle géif et u Wunnengen a Sproochecourse feelen, fir Mënsche mam Flüchtlingsstatut z'integréieren, seet d'Catia Santi, Assistante sociale beim neie Service LISKO vum Roude Kräiz.

Kanner an enger Containerstruktur zu Tréier
Flüchtlingen

Eng nei Biergerinitiativ vu Stengefort wiert sech géint eng geplangte Containerstruktur fir Flüchtlingen an dreet mat juristesche Konsequenzen. Vun der Politik gi méi Transparenz a méi Dialog gefuerdert.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen