DATESCHUTZ CNPD: Rekordstrof géint Amazon Europe

Déi Lëtzebuerger Dateschutz-Kommissioun CNPD huet eng Dateschutz-Strof vu 746 Milliounen Euro géint Amazon Europe mat Sëtz um Kierchbierg decidéiert: dës Rekord-Strof, déi scho Mëtt Juli decidéiert gi war, huet de welt-gréissten Online-Händler Amazon hënt selwer bekannt gemaach, a sengem neien Trimester-Rapport.

Serge Kesseler

Amazon-Logo
Foto: Bigstock

Lauschteren


Amazon hätt géint den europäeschen Dateschutz-Reglement verstouss, esou d'Argumentatioun vun der Lëtzebuerger Dateschutzkommissioun fir d'Strof vu 746 Milliounen Euro.

Amazon weist dëse Virworf zeréck an huet an engem Communiqué ugekënnegt, wëllen an Appell ze goen. Et hätt keng Dateschutz-Verletzung ginn, an et wiere keng Clients-Donnéeën un Drëtter gaangen, esou d'Reaktioun vun engem Spriecher vum Grupp.

D'Decisioun vun der Dateschutz-Kommissioun géif op "subjektiven an ongepréiften" Interpretatioune vum europäeschen Dateschutzrecht baséieren. D'Geldstrof vu 746 Milliounen Euro, déi besichtegt wier, stéing souguer bei dëser Interpretatioun a kenger Relatioun dozou. D'Sécherheet vun de Clients-Informatiounen hätt iewescht Prioritéit, heescht et vun Amazon.

Appell géint d'Decisioun vun der CNPD kann Amazon bannent dräi Méint beim Verwaltungsgeriicht maachen. Wa keen Appell géif gemaach ginn, da géif d'Enregistrement-Verwaltung d'Amende anzéien.

Op eis Nofro hin, huet d'CNPD-Presidentin Tine Larsen just confirméiert, datt de 15. Juli eng Decisioun am Kader vun der Dateschutz-Grondveruerdnung fir Amazon Europe Core s.à.r.l. geholl gi wier. Dat Lëtzebuerger Dateschutz-Gesetz vun 2018 géif et net erlaben, iwwer Eenzelfäll ze kommunizéieren. D'Dateschutzkommissioun géif dem Beruffsgeheimnis ënnerleien.

Déi europäesch Duechter-Entreprise vun der US-Entreprise Amazon huet hire Sëtz um Kierchbierg.

Méi zum Thema

Datebank
Dateschutz

De Parquet Général dierf déi zentral Justizdatebank net am Kader vu Rekrutementsprozedure consultéieren. Dat huet déi national Dateschutzkommissioun decidéiert a confirméiert domat d'Kritik vun de leschte Joren.

Illustratioun Datebanken Police
Dateschutz

D'Dateschutzkommissioun CNPD ass a ville Punkte kritesch, wat de Projet de Loi ugeet, fir de Fichier central vun der Police ze encadréieren. Den Accès vun der Police op d'Datenbanke géif ausgebaut ginn.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Sot emol vun 10 bis 11

  • On air

    Iwwer Mëtteg vun 11 bis 2

  • Resonanzen

  • Am Nomëtteg vun 3 bis 6

  • Tockcity

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen