Chamberdebatt Chamber diskutéiert iwwer de Präis vum Tubak

Sollen d'Accisen um Tubak an d'Luucht gesat ginn? Doriwwer hunn d'Deputéiert an der Chamber diskutéiert - et goufen heibäi ënnerschiddlech Positiounen.

Carole Schimmer / cbi

Zigaretten
Foto: Bigstock / S_DM

Lauschteren


De Verkaf vun Tubak bréngt dem Staat eng Milliard Euro u Recetten iwwer Accisen oder TVA. 88 Prozent vum Tubak, deen zu Lëtzebuerg verkaf gëtt, geet an d'Ausland.

An enger Aktualitéitsstonn an der Chamber huet den CSV-Deputéierte Gilles Roth d'Fro opgeworf, firwat een op där enger Säit den Tanktourismus ofbaut, andeems een d'Präisdifferenz mat den Nopeschlänner erofsetzt, a beim Tubak dat net gemaach gëtt, obwuel gewosst ass, datt den Tubak schiedlech fir d'Gesondheet ass.

Ënnerschiddlech Positiounen

An där Debatt gouf et ënnerschiddlech Positiounen. D'DP-Finanzministesch ass sech där Problematik bewosst, mee et kéint een am Ablack awer net op déi Recette an Héicht vun enger Milliard Euro verzichten.

Fir d'Cécile Hemmen ass et kloer, datt déi ëffentlech Gesondheet iwwer d'Recettë vum Staat priméiere misst. Dofir wier d'LSAP bereet iwwer eng Erhéijung vun den Accisen um Tubak ze diskutéieren.

Grenziwwerschreidend Kontakter

Och d'Josée Lorsché, gréng Fraktiounspresidentin wëllt eng progressiv Erhéijung vum Tubakspräis. Si huet de Verdacht ausgeschwat, datt vill Zigarette "a risegrousse Quantitéiten" bëlleg zu Lëtzebuerg akaaft ginn, fir dann am Ausland zu méi héije Präisser verkaaft ze ginn. Beweiser dofir hätt si nach net, mee wann dee Verdacht sech bestätegt, "géif et sech ëm illegale Schmuggel oder ëm Blanchiment handelen".

Déi Lëtzebuerger Autoritéite sinn och schonn ëm eng Kooperatioun gefrot ginn, erkläert d'Yuriko Backes. D'Douane wier rezent vun de franséischen Homologe kontaktéiert ginn a mat England hätt ee "ganz reegelméisseg Kontakter", esou d'Finanzministesch.

D'ADR war an der Chamberdebatt déi eenzeg Partei, déi kee Lenkungsmanöver iwwer eng Präishausse beim Tubak wëllt.

Méi zum Thema

Zigarett
EU-AKTIOUNSPLANG GÉINT KRIIBS

Den europäeschen Aktiounsplang géint Kriibs soll ënner anerem dofir suergen, datt manner gefëmmt gëtt. Fir Lëtzebuerg relevant: d'Reegele fir d'Besteierung vum Tubak sollen op de Leescht geholl ginn.

Ministère de la Santé
Tubak

De Moment géif an der Regierung net iwwer en Eropsetze vum Zigarettepräis diskutéiert ginn, seet d'Paulette Lenert. Datt de Präis wéi a Frankräich op zéng Euro klamme kéint, schléisst si awer net aus.

Ee mann, dee fëmmt
Tubak

De franséische Pneumolog an Tabacolog Bertrand Dautzenberg kritiséiert déi "aussergewéinlech niddreg" Zigarettepräisser zu Lëtzebuerg. Doduerch géif d'Gesondheetssituatioun vun de Fransouse verschlëmmert ginn.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen