Sozialdialog Caritas kritiséiert Tripartitesaccord

D'Caritas kritiséiert den Tripartitesaccord. Déi Leit, deenen et net gutt geet, kéinte vläicht kuerzzäiteg opootmen, nohalteg géif de Pak vu Mesuren, op deen Regierung, Patronat a Gewerkschafte sech en Dënschdeg den Owend spéit gëeenegt haten, näischt un hirer Situatioun änneren.

Maurice Molitor / cbi

Carole Reckinger
D'Carole Reckinger vun der Caritas. Foto: Archiv

Lauschteren


Ze vill Strenz, ze wéineg Selektivitéit. D'Caritas ass enttäuscht, awer net wierklech verwonnert. Et wier wéi sou dacks: d'Regierung géif hei alt erëm just punktuell op e Problem reagéieren, ouni e Konzept ze hunn, wéi een dee Problem laangfristeg léise kéint.

Dat wier awer a punkto Aarmutsbekämpfung batter néideg, seet d'Carole Reckinger am Numm vun hirer ONG:

"Mir gesinn: wann een ëmmer erëm just punktuell op e Problem reagéiert, da rafistoléiert ee vun engem Problem bei deen aneren, ouni d'Situatioun op laang Zäit ze verbesseren."

Eng Stëmm fir déi Leit, deenen et méi schlecht geet

Allerdéngs war et hei jo net d'Regierung eleng, déi decidéiert huet. Et souzen och Gewerkschafte mat um Dësch.

Hu si d'Situatioun vun deene Leit, déi vill struewele mussen, net genuch am Bléck? D'Carole Reckinger mengt, datt déi Äermst hei am Land "net wierklech een hunn, dee sech op deem Niveau fir hir Rechter asetzt."

Déi Leit, deenen et am Schlechtste geet, géifen ëmmer erëm vergiess ginn. Fir d'Carole Reckinger ass et deemno wichteg, datt d'Caritas ëmmer erëm d'Wuert erhieft "fir genee déi Leit, déi bei esou Diskussiounen dann awer erëm ënner d'Rieder kommen".

Aarmutsrisiko: Tendenz steigend

Den Aarmutsrisiko läit aktuell bei 19 Prozent am Land: bal all fënneften ass also aarm oder riskéiert et ze ginn, Tendenz steigend.

Et wieren awer aktuell méi wéi Leit, déi d'Enner net méi zesumme kréichen. D'Carole Reckinger schwätzt vu bis zu 40 Prozent vun de Leit, déi a Schwieregkeete sinn oder kéinte geroden.

An der Finanzkris goufen d'Banken gerett, an der Covid-Kris d'Entreprisen, elo wier et un de Leit, déi schlecht dru sinn, ënner d'Äerm gegraff ze kréien, schreift d'Caritas an hirem Communiqué.

An zwar richteg: et wier ze spéit fir just ze rafistoléieren.

Méi zum Thema

Supermarché
Handelsconfederatioun

D'Konsumente wäerten d'Reduktioun vun der TVA ëm ee Prozentpunkt net onbedéngt spieren, seet den Tom Baumert, Direkter vun der CLC. D'Inflatioun géif sech op d'Produiten ënnerschiddlech auswierken.

Gilles Roth
Gilles Roth

D'CSV begréisst, datt d'Regierung an d'Sozialpartner e prinzipiellen Accord fonnt hunn. Wann de Sozialdialog funktionéiert, da sollt een aus der Oppositioun eraus deen net torpedéieren, esou de Gilles Roth.

Tripartite Dag 3
Tripartite

No 30 Stonne Verhandlungen iwwer dräi Deeg an der Tripartite gouf en Dënschdeg den Owend e prinzipiellen Accord annoncéiert: De Käschtepunkt vum Hëllefspak läit bei eppes méi wéi enger Milliard Euro.

Net verpassen

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen