Iwwerschwemmungen Campingen zu Rouspert a Bur schwéier getraff

Ganz uerg getraff goufen an der Gemeng Rouspert-Mompech, déi zwee Campingen zu Rouspert a Bur. 90 Prozent vun de 86 Roulotten a Mobilhomen déi zu Bur am Camping stounge si komplett zerstéiert.

IMG_3261.jpg

Et gesäit chaotesch aus um Camping vu Bur. Wéinst dem Héichwaasser op der Sauer hunn d'Waassermasse Villes lassgerappt a matgeschleeft, déi sanitär Installatioune sinn zerstéiert. Den Informatiounsbüro an de Restaurant la Terrasse musse gefléckt ginn. Ee Bilan kéint een dann nëmmen zéien, wann d'Waasser sech zréckgezunn huet, seet d'Monique Pissinger, Presidentin vum Syndikat Bur Méischdref, deen de Camping geréiert.

De Patrick Hirtes vum Syndikat vum Rousperter Camping präziséiert, datt si an der Vergaangenheet kaum Iwwerschwemmungen haten, déi Kéier koum de Reen vun uewen erof an eng Baach déi iwwergelaf ass, an der Nuecht koum dunn d'Héichwaasser vun der Sauer. Och do ass Villes futti.

D'Monique Pissinger wëllt op kee Fall opginn, et géifen och 17 Persounen um Camping an am Restaurant schaffen. Déi Plaze wëllt een och erhalen.

Fir de Buergermeeschter vu Rouspert Mompech de Romain Osweiler ass et kloer, datt béid Campingen nees opgeriicht ginn. Wéi laang dat wäert daueren, dat wier eng Fro déi een elo net kéint beäntwerten.

Fir den Ament geet et drëm d'Awunner z'ënnerstëtzen, där hir Haiser uerg beschiedegt goufen. Verschiddener hunn Schued am Keller, bis hin zum éischte Stack.

Problematesch bleiwen d'Mazoutstanken, déi ëmgefall sinn. D'Gemeng brauch d'Urgence Stockéierungsméiglechkeete fir de Mazout deen erausgepompelt gëtt z'entsuergen.

Méi zum Thema

Eng Tankstell de 15. Juli um 12 Auer zu Iechternach
Iwwerschwemmungen

D'Gemeng Beefort deelt mat, datt d'Krunnewaasser net benotzt soll fir ze drénken, Zänn wäschen, Geméis an Uebst botzen a fir d'Kachen. Krunnewaasser kann ee fir aner Zwecker benotzen: Toilette, Dusch, Spull a Botz.

Iwwerschwemmungen am Gronn
Iwwerschwemmungen

Zanter dem Ufank vun de Miessunge vum Reen ass hei am Land nach ni sou vill Néierschlag erofgaangen, heescht et vun der ASTA. Experten warnen, datt d'Unzuel vun den extrem Wiederphenomener zouhëlt.

Net verpassen

  • 16.10. Riicht eraus - Bleift d'Kierch am Duerf?

    Riicht Eraus_Beift Kierch am Duerf 2.jpg

    Wéi kënnen an däerfen entweite Kierchen nach gebraucht ginn? Et diskutéieren d'Architektin Sala Makumbundu, de Kierchenexpert A. Langini, de G. Kieffer vum Bistum, an den R. Mangen, Schäffen Déifferdeng.

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen