Bausch : "Mëtt Februar soll en neie Cargolux-CEO designéiert ginn"
De Poste vum Generaldirekter vun der Cargolux soll an den nächsten Deeg international ausgeschriwwe ginn. Dat sot den Infrastruktur an Nohaltegkeetsminister François Bausch eis de Moien, no senger Visite déi lescht Deeg beim wahrscheinlech neie Cargolux-Co-Aktionär HNCA. Den Headhunter Spencer Stuart kréich den Optrag en neie CEO ze sichen. Et wier d'Zil, an engem Mount schonn en neie Generaldirekter ze designéieren. “D’Cargolux huet zënter gutt annerhallwem Joer mam Richard Forson en Iwwergangs-Generaldirekter an dat ass net gesond”, esou de Minister. Hie kéint garantéieren, datt et nach keen Accord gëtt fir en neie CEO. Jidderee kréich déi selwecht Chance op Basis vum Profil, deen ausgeschriwwe gëtt.
De ganzen Interview mam Minister François Bausch :
