Ännerungen um Spuer- a Steierpak?
D’Regierung an d’Gewerkschafte gesinn sech e Méindeg de Moie während enger Stonn, fir iwwert de Spuer- a Steierpak ze diskutéieren. Dat huet ons de Staatsministère konfirméiert.
“D'Regierung muss an de nächsten Deeg och kucken ob se eventuell iergend eppes am Spuer- a Steierpak wëll änneren”, sot ons iwwerdeems den DP-Fraktiounschef Eugène Berger, no enger Sëtzung vun der Chamber Finanz- a Budgetskommissioun.
Am Laf vun der nächster Woch soll d’Chamberkommissioun an Zesummenaarbecht mat der Regierung Amendementer ausschaffen, fir den oppositions formelles vum Staatsrot Rechnung ze droen. Ob et och zu Ännerungen kënnt fir op d’Kritik vun de Gewerkschaften anzegoen, dat ass par konter net kloer.
Hei ass wat den Eugène Berger ons sot:
De Budgetsprojet fir d'nächst Joer an de Gesetzesprojet iwwert déi 260 Spuer- a Steiermesuren mussen op jidder Fall den 18. Dezember an der Chamber gestëmmt ginn, esou den Eugène Berger.
