Fleeg Altersheem vun Orpea soll demnächst seng Dieren opmaachen

An den nächsten Deeg soll, eegenen Aussoen no, zu Märel d'Altersheem vum kritiséierte Grupp Orpea opgoen. Nodeems viru knapp zwou Wochen de provisoreschen Agrément vum Ministère koum an déi lescht administrativ Schrëtter amgaange sinn ofgeschloss ze ginn, steet dem neien Alters- a Fleegeheem "Récital" näischt méi am Wee. De Rekrutement vu Personal ass awer nach amgaangen, an et si bei Wäitem nach net all d'Zëmmere beluecht.

Sophie Schroeder / cz

Orpea
Foto: Bigstock / OceanProduction

Lauschteren


E puer Dose Pensionnairë wieren den Ament an der neier Residenz zu Märel ugemellt, seet d'Direktioun, ouni awer prezis Zuele wëllen ze nennen. D'Altersheem wier sou opgedeelt, datt all d'Bewunner esou betreit kënne ginn, wéi si et grad brauchen. Et soll ee Stack fir Mënsche mat Demenz ginn, an och ee anere Stack fir Persounen déi méi eng intensiv Fleeg brauchen. D'Skandaler ronderëm Mësshandlunge vu Residente vum franséische Grupp zu deem d'Haus gehéiert, déi dëst Joer opgedeckt goufen, wëllt dat neit Altersheem hannert sech loossen a pocht op seng Eegestännegkeet. D'Stéphanie Rondoz, d'Direktesch vun der Residence "Récital" zu Märel.

"Une préoccupation de vigilance constante"

D'Stéphanie Rondoz ass sech awer och bewosst, datt Orpea grad elo ënnert Beobachtung steet an datt Kontrolle wichteg sinn. Dofir ass geplangt zwee Mol am Joer Ëmfroen iwwert d'Zefriddenheet vun den Awunner duerchzeféieren an och en Ethik-Rot, dee Personal zur Verfügung stelle soll, ass geplangt. Weider soll d'Personal och reegelméisseg Fortbildungen ugebuede kréien. Angscht, datt d'Geschicht vum franséische Konzern d'Haus zu Märel kéint anhuelen, huet d'Direktesch net, an awer gëtt si sech virsiichteg.

"Alors je veux pas parler de peur, mais plutôt d'une notion de préoccupation de vigilance constante. Donc on va tout le temps être préoccupés par le soucis d'amélioration constante, de faire évaluer et de s'adapter aux attentes et au bein-être et la satisfaction des résidents. Chaque Collaborateur aura un rôle à jouer."

Zwanzeg Leit géife schonn zanter e puer Méint vollzäit an dem neien Altersheem schaffen. Eng Rekrutementsprozedur fir weidert Personal anzestellen ass aktuell nach amgaangen. Zu der aktueller finanzieller Situatioun vum Grupp Orpéa an den eventuellen Impakt dovun op Lëtzebuerg kéint si näischt soen, sou nach d'Direktesch Stéphanie Rondoz.

Méi zum Thema

Orpea
No provisoreschen Agrément fir Orpea

Orpea krut elo eng virleefeg Erlabnis, fir och hei zu Lëtzebuerg eng Struktur opzemaachen. D'Corinne Cahen ass zouversiichtlech, datt an der Struktur hei zu Lëtzebuerg uerdentlech geschafft wäert ginn. Et wieren och Kontrolle virgesinn.

Orpea
Altersheemer

Fir de Moment kritt de franséische Grupp Orpéa keen Agrement fir de CIPA zu Mamer ze bedreiwen. De Grupp war an engem Skandal verwéckelt, wou Mësshandlungen an hiren Altersheemer opgedeckt goufen.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen