ALIA: Dossier fir Autorisatioun vun "RTL 2" net komplett
“Den Dossier vum geplangtene franséischsproochege Radiosender muss vun Null un opgeschafft ginn fir dass jiddfereen sech seng Meenung dozou ka maachen. Wéi schnell dat geet ass schwéier virauszesoen”, esou de neien President vun der ALIA, den Thierry Hoscheit. De neie Radiosender vun RTL an dem Lëtzebuerger Wort soll Ufank Februar ufänken mat senden. Dësen Radiosender wäert déi dräi aktuell Radio-Frequenzen vum DNR benotzen, deen ophält.
“Et muss een sech d’Fro stellen ob RTL a Saint-Paul sech net missten dem Rhythmus vun den Autoritéiten riichten an ob et net éischter un hinnen ass ze soen, dass do nach e Problem ass betreffend den Autorisatiounen déi mer hunn an déi mer brauchen” an eréischt op Antenn ze goe wann dat alles gekläert ass, esou den Thierry Hoscheit. Hien kéint awer net soen ob d’ALIA sech opposéiere wëll a kann fir dass dee neie Radio ufänkt mat senden. Déi nei onofhängeg Autoritéit ALIA ass zoustänneg fir d’Iwwerwaachung vun de Radio a Televisiounsprogrammer, souwéi fir d’Attributioun vu Radiosfrequenzen.
Lauschtert den Interview vum Gil Goebbels mam Thierry Hoscheit:
