Pandemie Aktuell Corona-Mesurë bis den 2. Abrëll verlängert

Déi aktuell Corona-Mesurë gi bis den 2. Abrëll, also Karfreideg, verlängert. Dat hunn de Premierminister an d'Gesondheetsministerin haut op enger Pressekonferenz nom Regierungsrot annoncéiert. Sollten d'Zuelen et erlaben, wier eng Ouverture vum Horeca-Secteur am Abrëll awer méiglech. D'Chamber muss dat néidegt Gesetz fir d'Verlängerung vun de Mesuren d'nächst Woch nach stëmmen.

Tessy Troes

Pressekonferenz vum 5. Mäerz

Eng méiglech Ouverture vum Horeca-Secteur am Abrëll géif an Aussiicht stoen. D'Chamber muss dat néidegt Gesetz fir d'Verlängerung vun de Mesuren d'nächst Woch nach stëmmen.

"Schrëtt an ee méi normaalt Liewen"

De Premier seet, datt éischt Gespréicher mat Horeca-Secteur géinge lafen, fir ze definéieren, u wéi eng Konditiounen esou eng Ouverture gebonne wier. Et wier definitiv keng "normal" Ouverture an d'Zuelen wieren ausschlaggebend, ënnersträicht de Xavier Bettel.

Och Gespréicher iwwer weider Ouverturen am Sport an an der Kultur wieren am Gaangen.

Point iwwer d'momentan Situatioun

Et géif eng liicht Tendenz no uewe gi bei den Neiinfektiounen, an de Kläranlagen an an den Hospitalisatiounen, seet d'Gesondheetsministerin. D'Situatioun wier trotz den neien Coronavirus-Varianten awer weiderhin stabel. De Premier ënnersträicht, datt een éischten Impakt vun den Impfungen ze gesi wieren: et géife manner Leit iwwer 65 Joer krank ginn.

An deenen nächsten Wochen wéilt een och verstäerkt Schnelltester an de Schoulen an an den Altersheemer asetzen.

Bilan vun der éischter Impf-Phas

Iwwer 60 Prozent vun de Leit iwwer 75 Joer hätten bis elo eng Impfinvitatioun kritt. Et géifen nach eng 14.000 Leit an dëser Kategorie feelen. D'Regierung gesäit fir, bis den 20. Mäerz déi läscht Invitatiounen rausgeschéckt ze hunn. Vu datt AstraZeneca elo och fir Leit iwwer 65 Joer ka benotzt ginn, géifen fir d'Phas 5A, déi ënner der Woch ugefaangen hat, och keng weider Reservatioune rausgeschéckt ginn.

Geplangten Impfliwwerungen am Abrëll

Sollten d'Liwwerungen, déi fir den Abrëll geplangt waren, all ukommen, kéinten am Abrëll eng 73.000 Leit geimpft ginn. Virgesi sinn iwwer 80.000 Dosissen vun Pfizer/BioNTech, iwwer 42.000 vun AstraZeneca an eng 8.400 vu Moderna. De Premier hofft, datt "den Abrëll dee Mount wäert sinn, wou mer wierklech et kënne fäerdeg bréngen e groussen Impakt op den Impfunge kënnen ze hunn."

Méi zum Thema

BioNTech/Pfizer-Impfstoff am CHEM
Impfcampagne

De Centre Hospitalier Emile Mayrisch ass dat éischt Spidol am Land, dat mat der Impfung vu Kriibspatienten ugefaangen huet. E Méindeg gouf domat ugefaangen, eng 650 Leit kommen un d'Rei.

Impfen Sprëtz
Irregularitéiten

De Centre Hospitalier du Nord huet eng Plainte géint Onbekannt beim Parquet wéinst Irregularitéite bei der Impfcampagne deposéiert. Dëst deelt de Verwaltungsrot vum Spidol an engem Communiqué mat.

image1.jpeg
Nei Zentren opgaangen

Nieft Ettelbréck ass elo och den éischten Impfzentrum am Oste vum Land a Betrib. Gesprëtzt gëtt tëschent Munneref a Biermereng. De Choix vun der Plaz gëtt kritiséiert: den Zenter wier net zentral genuch.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen