Tripartite Patronat: "Tripartitesaccord äntwert just deelweis op eis Froen"

Den Tripartite-Accord wier wichteg, mee schwéier fir d'Entreprisen seet de Jean-Paul Olinger. D'Betriber hätte sech virun allem méi Previsibilitéit bei de Lounkäschten erwënscht, seet den Direkter vum Patronatsverband UEL.

Rick Mertens / cbi

Jean-Paul Olinger
De Jean-Paul Olinger ass den Direkter vum Patronatsverband UEL

Den Tripartite-Accord géif bedeiten, datt d'Entreprisen d'nächst Joer warscheinlech zwou Indextranche mussen ausbezuelen, seet de Jean-Paul Olinger.

"Eng grouss Augmentatioun"

Op den éischte Januar gëtt de Mindestloun erhéicht, am Januar oder Februar kënnt eng éischt Indextranche, am Abrëll dann déi zweet.

"Dat mécht da fir de Mindestloun 8,3 Prozent aus - an dat innerhalb vu véier Méint. Dat ass natierlech eng ganz grouss Augmentatioun, déi zousätzlech zu deene kënnt, déi schonn 2020, 2021, an 2022 komm sinn."

Wéi staark d'Léin duerno wuessen, wier awer nach net kloer, seet de Jean-Paul Olinger. Bis elo hätt ee just Äntwerte fir 2023 kritt, et wéisst een awer net wat 2024 ass.

"Déi ganz Energiespuermesuren, déi elo kommen, déi drécken déi ganz Käschten deelweis no hannen. An 2024 kéint et dann awer sinn, datt zousätzlech Tranche falen."

An der Mediathéik:

Lauschteren

Méi zum Thema

Gilles Roth
Gilles Roth

D'CSV begréisst, datt d'Regierung an d'Sozialpartner e prinzipiellen Accord fonnt hunn. Wann de Sozialdialog funktionéiert, da sollt een aus der Oppositioun eraus deen net torpedéieren, esou de Gilles Roth.

Tripartite Dag 3
Tripartite

No 30 Stonne Verhandlungen iwwer dräi Deeg an der Tripartite gouf en Dënschdeg den Owend e prinzipiellen Accord annoncéiert: De Käschtepunkt vum Hëllefspak läit bei eppes méi wéi enger Milliard Euro.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen