Kultur Kritik un neier Ausstellung: MNHA-Direkter weist sech oppe fir Dialog

Den Direkter vum Nationalmusée um Fëschmaart kann d'Kritik un enger neier Ausstellung net wierklech novollzéihen. D'ukrainesch Ambassade, d'Associatioun LUkraine, hunn an de leschten Deeg ëffentlech gefuerdert, datt d'Ausstellung "The Rape of Europe" mat Biller vum russesche Moler Maxim Kantor ofgeblose gëtt.

Rick Mertens (Interview) / Chris Zeien (Web)

Michel Wolter

fFir den MNHA-Direkter Michel Polfer berout déi Fuederung op engem "Messverständnis". Hie betount de Maxim Kantor géif de Regimm vum Wladimir Putin zënter Joren ëffentlech kritiséieren. An et wier och net richteg ze behaapten, de Kënschtler géif mat senger Ausstellung am MNHA Sue verdéngen, déi hien a Russland schéckt.

"Et gëtt un den Artist net een Cent Honoraire bezuelt. Dat ass dat eent. Also kann hien och keen Honoraire a Russland weider ginn."

Doriwwer eraus géif een als Musée keng Entrée froen, fir Solidaritéit ze weisen. "Mee mir fuederen d'Visiteuren op an enger Spendekescht vum Lëtzebuerger Roude Kräiz, déi an der Ausstellung steet, een Don ze hannerloossen. Quasi als Equivalent zu hirer Entrée."

Den MNHA-Direkter weist sech och oppe fir mat de Kritiker vun der Ausstellung an den Dialog ze trieden. D'ukrainesch Ambassade zu Bréissel hätt allerdéngs bis elo net op seng Ufroe reagéiert.

De Staatsmusée um Fëschmaart probéiert Muséeën an der Ukrain ze hëllefen fir Ausstellungs-Objeten virum Krich a Sécherheet ze bréngen. Et wier een zum Beispill am Gaang ze kucken, wéi een ukrainesche Muséeë Verpackungsmaterial kéint zu Verfügung stellen, esou de Michel Polfer. Ausserdeem géif och gekuckt gin, ob een Objeten hei am Land kéint a Sécherheet bréngen.

"Dat ass eng Pist, déi mer am Moment konkret verfollegen mat engem Musée zu Kiew. Allerdéngs ass fir eis kloer, datt esou eppes nëmmen ka passéieren, wann dat och dem Wëlle vun der ukrainescher Regierung entsprécht. An do waarde mer elo nach op ee Feedback, ob dat och esou ass."

An der Mediathéik:

Lauschteren

Méi zum Thema

Sammelplaz LUKraine Kierchbierg
Sammelplaz um Kierchbierg

Zanter bal engem Mount gëtt et um Kierchbierg e Sammelpunkt fir Spenden, déi an d'Ukrain bruecht ginn. Déi éischt Deeg wier d'Resonanz riseg gewiescht soen d'Organisateuren. Déi lescht Woch wier et awer zu engem Abroch bei de Spende komm.

Banque alimentaire
Banque alimentaire

Och d'Banque alimentaire probéiert den Ament ukrainesche Flüchtlingen ze hëllefen. Si këmmert sech zanter Joren ëm Leit, déi riskéieren net genuch z'iessen ze hunn. Och ëm Leit, déi scho méi laang zu Lëtzebuerg liewen.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen